skol
startimes

Gasabo: Wa mugabo umugore we yagagaye ingingo akamufata nabi yakatiwe gufungwa iminsi 30

Ad Restricted   Yanditswe na: Nsanzimana Ernest 24 July 2018 Yasuwe: 6237

Kuri uyu wa mbere ni bwo urukiko rw’ibanze rwa Gasabo rwamukatiye(Munyeshyaka Jean Damascene) igihano cyo gufungwa iminsi mirongo itatu y’agateganyo mu rwego rwo kugira ngo iperereza rikomeze akurikiranwe afunzwe.

Nkuko mwabikurikiye mu nkuru zatambutse kuri Tv na Radio1 kuya 26 z’ukwezi gushize kwa gatandatu, aho umUgabo MUNYESHYAKA Jean Damascene yashinjwaga n’abo mu muryango wa TUYISENGE Christine (umugore bashakanye byemewe n’amategeko) kuba yaramukuye mu bitaro akamujyana iwe mu rugo akamukingirana aho atigeze yongera kuvuzwa na rimwe, bikiyongeraho kuba yarahawe amafaranga ahwanye na miriyoni 48 z’amafaranga y’u Rwanda yari agenewe uyu Christine nk’imperekeza mu kazi nyuma y’uko yari yaragizwe ikimuga n’ikinya yatewe n’abaganga, ariko uyu mugabo we akaza guhitamo gushaka umugore wa kabiri babanaga mu nzu uyu mugore we wa mbere yari arwariyemo.

Iki gihano agikatiwe nyuma y’urubanza rwabaye kuwa kane w’icyumweru gishize aho ubushinjacyaha bwamusabiye iki gifungo kugira ngo bukusanye ibindi bimenyetso ku byaha bumurega, birimo icyo kwanga kwita ku mwana cyangwa undi muntu ukwiye kwitaho, guhoza ku nkeke uwo bashakanye, gukoresha umutungo w’umuryango mu buryo butumvikanyweho n’abashakanye n’ubuharike.

Ibi byaha byose uyu mugabo yarabihakanye avuga ko uretse kuba aregwa n’utagakwiye kuba amurega, we ataniyumvisha uburyo yakoze ibishoboka byose ngo arwaze anavuze umugore we kugeza ubwo umutungo ubaye nk’umushiraho aho gufashwa n’abo mu muryango w’umugore ahubwo bakaba bamushinja kutita ku wo bashakanye. Uyu Munyeshyaka Jean Damascene yasabye urukiko kumurekura kuko afunzwe bitemewe n’amategeko, cyane ko yahamyaga ko nta bimenyetso bifatika ubushinjacyaha bufite bimuhamya icyaha ko bityo nta mpamvu yo gufungwa azira akarengane.

Nyuma yo gukatirwa iki gihano yibukijwe ko afite iminsi itanu yo kujuririra iki cyemezo cy’urukiko mu gihe yaba atanyuzwe n’imyanzuro y’urubanza.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?

    Amategeko n'amabwiriza birkurikizwa


  • chat_bubble gasigwa erneste

    nukuri ubucamanza bushishoze bumukatire ikimukuiye kuko uriya sumugabo yakoze ibitabaho kuko haburaga gatoya ngo amuice,biriya nibyo bita iyica rubozo ,murebe ukuntu uriya mudamu yatangiye kugarura umubiri nyuma yaho aviriyeyo,gusa nanone ndanenga umuryango We cy abaturanyi nabandi babibonye impanvu batabivuze mbere hagashira igihe kingana kuriya.

    July 2018

Inzindi nkuru

Reba ingaruka mbi utari uzi ku buzima bwawe ziterwa no gutekereza...

Ubusanzwe gutekereza ni byiza kandi birafasha mu buryo bwo kugera ku ntego...
7 August 2020 Yasuwe: 2803 0

Umugabo yaguye mu kantu nyuma yo gusoma ikiganiro cya WhatsApp hagati...

Umugabo wubatse wafashe umugore we amuca inyuma n’umuhungu abereye muka se...
5 August 2020 Yasuwe: 22760 0

Reba akamaro gakomeye utari uzi Vitamine A imaze ku buzima bwa muntu...

Vitamin A ni imwe muri za vitamin zifitiye umubiri akamaro kanini cyane...
5 August 2020 Yasuwe: 1644 0

Reba akamaro gakomeye utari uzi ku buzima bwawe no ku ruhu ko kurya imboga...

Nubwo dukoresheje ijambo imbwija, ariko tugiye kuvuga ku mboga zose ziri mu...
4 August 2020 Yasuwe: 2861 1

Esperancia uzwi ku izina ’Abakobwa bafite ubushyuhe n’abasore bafite...

Umukecuru Nyirangondo Esperancia utuye mu karere ka Gisagara umurenge wa...
4 August 2020 Yasuwe: 10859 1

Reba akamaro gakomeye utari uzi ku mubiri wawe no ku buzima ko kurya Avoka...

Abantu benshi ntabwo banya bamenya ibyiza byo kurya Avoka, kuko biragoye...
3 August 2020 Yasuwe: 3461 0