Kigali

Abaturiye pariki y’ Ibirunga basaba RDB kujya ibishyura batagombye gusiragira

Amakuru   Yanditswe na: Nsanzimana Ernest 1 September 2017 Yasuwe: 808

Abaturage baturiye pariki y’ Ibirunga iherereye mu majyaruguru y’ u Rwanda baravuga ko iyo inyamaswa zitorotse zikabangiriza ibyabo bamara igihe kinini bishyuza, bagasaba Ikigo cy’ igihugu cy’ iterambere RDB kubakiza gusiragira.

Inyamaswa zirimo imbogo, inkende n’ izindi zitandukanye nizo aba baturage bavuga ko zijya zitoroka zikabononera.

Ngo iyo bamaze kwangirizwa n’ izi nyamaswa hakurikiraho gusiragira bishyuza ibyabo byangijwe.

Umwe muri bo ati “Ni ukugenda ukajya kuri RDB mu Ruhengeli, nabwo wagerayo bati jya I Kigali ugasanga nk’ umuturage utazi I Kigali no mu Ruhengeli ari gusiragira. Bati genda hari ibyo wibagiwe kuzuza, umuturage kubera gusiragira amatike akamushirana akagenda agaterera iyo ng’ iyo akumva ko serivise batazimukoreye neza”

Aba baturage bavuga ko hari n’ igihe abakozi ba RDB bababwira ngo inyamaswa ntabwo zona.

Umuturage ati “ Bakakubwira ngo inyamaswa ntabwo zona bakazita nk’ inyoni, ugasanga nyine ni igihombo”

Aba baturage bifuza ko hakubakwa uruzitiro rubuza izi nyamaswa gusohoka muri pariki. Ikindi bakegerezwa urwego rushinzwe kubishyura batagombye kujya I Kigali.

Umuyobozi mukuru muri RDB, ushinzwe ubukerarugendo no kurengera urusobe rw’ ibinyabuzima Akariza Belyse avuga ko impamvu abangirijwe n’ inyamaswa batinda kwishyurwa ari uko amafaranga ya Leta aca mu nzira nyinshi kugira ngo agere ku muturage gusa akavuga ko harimo gushakwa uburyo iki kibazo cyakemuka.

Yagize ati “Uko bikorwa iyo inyamaswa zoneye abaturage hari process tugendamo, ntabwo ari ukuvuga ngo umuturage arasaba bihite bikorwa, bica mu buryo navuga ngo burambutse, ku buryo abantu babishinzwe baza bakareba koko ko byabaye.”

Yakomeje agira ati “Icyo kintu ni ikintu duhora twigisha abaturage ko Atari ugusaba amafaranga agahita aboneka, amafaranga ava mu kigega cya Leta, urumva ko hagomba kubaho controle ikwiye kugira ngo icyo kintu kibeho”

Yongeho ati “Ni ibintu dushaka kunoza, kugira ngo abaturage bagabanye umwanya bafata batarabona amafaranga yabo”

Ni kenshi abaturage baturiye pariki zitandukanye mu Rwanda binubira gutinda kwishyurwa cyangwa kutishyurwa igihe inyamaswa zabononeye. Gusa RDB ivuga ko hashyizweho ikigo gishinzwe kwishyura ibyangijwe n’ inyamaswa n’ amapariki akazitirwa.

Bimaze kumenyerwa ko umusaruro uva mu bukerarugendo ugarukira abaturiye amaparike, kuko 5% by’ umusaruro ubuvamo ugenerwa aba baturage ahanini binyuze mu bikorwa remezo.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Dore ibimenyetso 5 simusiga bigaragaza umugore uca inyuma umugabo...

Ibimenyetso bizakwereka ko umugore wawe aguca inyuma harimo kuba ,atakubaha...
11 July 2018 Yasuwe: 3035 0

Perezida Kenyatta yavuze uko yaterese umufasha we Margaret

Perezida Uhuru Kenyatta yavuze ko musaza w’umufasha we ariwe wamuharuriye...
11 July 2018 Yasuwe: 2370 0

Abanyapolitiki 10 ba mbere mu guca inyuma abo bashakanye kurusha...

urutonde rw’ abanyapolitiki 10 b’ abagabo bavugwaho ubushurashuzi kurusha...
10 July 2018 Yasuwe: 3460 0

‘Museveni azegura ku bushake bwe’ Minisitiri Nadduli

Minisitiri muri Uganda witwa Abdul Nadduli, yavuze ko Perezida Museveni wa...
9 July 2018 Yasuwe: 2146 1

Perezida Kenyatta yafotowe arimo gukina n’umugore we

Kuri uyu wa Kabiri Taliki ya 3 Nyakanga 2018. Perezida Uhuru Kenyatta...
4 July 2018 Yasuwe: 5526 0

Filimi z’urukozasoni zatumye umugabo afata ku ngufu umukobwa bari kumwe mu...

Umugabo witwa Alnadar Ahmed w’imyaka 40 ukomoka mu Bwongereza yakatiwe...
24 June 2018 Yasuwe: 3931 0