Kigali

British Airways yahagaritse ingendo 100 kubera ikibazo cya mudasobwa imwe yakwamye

Amakuru   Yanditswe na: Dusingizimana Remy 7 August 2019 Yasuwe: 1030

Kompanyi itwara abagenzi ya British Airways mu Bwongereza yahagaritse ingendo 100 kubera ikibazo cya mudasobwa imwe yagize ikibazo,bituma abantu bagera ku 15,000 bayigana bagerwaho n’ingaruka zo gusiba no gukererwa ingendo zabo.



Aba bagenzi basabwe gusubira mu rugo nyuma y’ikibazo cy’imwe mu mashini ikoreshwa mu gusuzuma izi ngendo biteza akavuyo gakomeye hirya no hino aho indege z’iyi kompanyi zikorera.

Uretse izi ngendo zahagaritswe,izigera kuri 200 zakererewe igihe kigera ku masaha 5 kubera iki kibazo cya systems ya mudasobwa yakwamye kuri uyu wa Gatatu.

Ingendo zakererejwe ni izavaga Heathrow zerekeza Los Angeles, New York, Philadelphia, Pittsburgh, Charlotte, Nashville, na Miami.

Icyateye gupfa kw’iyi mudasobwa iyobora ingendo zose za British Airways ntikiramenyekana cyane ko ari ubwa mbere bibayeho mu mateka y’iyi kompanyi.

Abantu bashakaga kujya mu biruhuko barimo ababyeyi bari bafite abana, bahangayitse bikomeye bateza n’akavuyo kadasanzwe ku bibuga by’indege bitandukanye muri UK bituma bamara amasaha 3 bicaye mu ndege badasohoka.

British Airways yahuye n’igihombo gikomeye kuko igomba kuriha indishyi z’akababaro zigera kuri miliyoni 5 z’amadolari kubera guhagrika izi ngendo.

Umwe mu bagenzi bakwamiye mu ndege mu mujyi wa Newcastle mu bwongereza amasaha 2 yose,yavuze ko umupilote yababwiye ko iki ari ikibazo cy’isi yose.

British Airways yavuze ko yize byinshi ku bijyanye n’ibijyanye n’ikoranabuhanga ryayo ryateje akavuyo mu byo gusuzuma ingendo n’abagenzi ndetse no gutinza ingendo.Umuvugizi wa BA yavuze ko abagenzi basubikiwe ingendo bakongera gufata imyanya kuva kuwa 08 kugeza kuwa 13 Kanama 2019.




Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Polisi y’igihugu igiye gutangira gufatira ibihano abantu bayihamagara...

Polisi y’u Rwanda yashyizeho imirongo itishyurwa yo gufasha Abanyarwanda...
11 November 2019 Yasuwe: 2238 0

Burundi: Abantu 80 barimo Abanyarwanda 10 bafatiwe mu mukwabu wakozwe na...

Abantu 80 barimo Abanyarwanda 10 batuye muri Komini Rugombo iherereye mu...
6 November 2019 Yasuwe: 4424 0

Umubyeyi wa Cristiano Ronaldo yashinje ubujura abatanga ibihembo...

Nyina wa Cristiano Ronaldo witwa Dolores Aveiro yabwiye abanyamakuru kuwa...
3 November 2019 Yasuwe: 2068 0

Nyarugenge: Meya yagiye kwirebera agatsiko kiswe “Abanyabutare” kamaze kubaka...

Umuyobozi w’akarere ka Nyarugenge madamu Kayisime Nzaramba yafashe umwanzuro...
2 November 2019 Yasuwe: 5723 0

Rusizi: Abagabo 4 bakekwaho guhungabanya umutekano beretswe...

Inzego zishinzwe umutekano mu karere ka Rusizi zeretse abaturage bo mu...
27 October 2019 Yasuwe: 4810 2

Nigeria: Abaturage bacitse ururondogoro kubera amakuru yavugaga ko perezida...

Mu gihugu cya Nigeria havuzwe igihuha cyavugaga ko perezida w’iki gihugu...
12 October 2019 Yasuwe: 5637 2