Kigali

Eng. Sagashya nyuma yo kwirukanwa mu kazi n’ umugi wa Kigali arafunze

Amakuru   Yanditswe na: Nsanzimana Ernest 17 November 2017 Yasuwe: 2603

Eng. Didier Sagashya Umunyamabanga nshingwabikorwa uherutse kwirukanwa n’ umugi wa Kigali yatawe muri yombi na polisi y’ u Rwanda, afunganywe n’ abakozi babiri bivugwa ko yategetse guca amadosiye.

Polisi y’ u Rwanda yavuze ko imukurikiranyeho icyaha kusibanganya ibimenyetso no konona inyandiko.

Ibi bitangajwe nyuma y’ iminsi ibiri Eng. Sagashya yirukanywe burundu ku mwanya w’ umunyamabanga nshingwa bikorwa w’ umugi wa Kigali.

Perezida wa Njyanama y’Umujyi wa Kigali Me Rutabingwa Athanase, aherutse kubwira itangazamakuru ko Eng. Sagashya Didier yirukanwe bitewe ni uko ngo yategetse abakozi babiri kujya mu biro by’undi mukozi akababwira guca amadosiye, aho avuga ko amadosiye babashije kumenya ari ane arebana n’ibijyanye n’inyubako z’Umujyi wa Kigali.

Abo bakozi bakaba barakoraga mu by’imyubakire, Mpabwanamaguru Merard ushinzwe igishushanyombonera cy’ Umujyi (GIS Officer) na ho Twahirwa Enos yari ashinzwe ubugenzuzi mu myubakire (Building Electro-Mechanical Inspection Officer).

Ubuyobozi bw’Umujyi wa Kigali ngo bwaje kumenya ko icyo kibazo cyabaye busaba Sagashya ko yakurikirana abo bakozi ndetse akanabaha ibihano harinda hashira ibyumweru bibiri nta kibaye.

Perezida wa Njyanama yanavuze ko bakeka ko igikorwa cyo guca ayo madosiye ngo cyari kigamije ibyaha bitandukanye, aho bakeka icyenewabo, ruswa, kunyereza umutungo.

Eng. Didier Sagashya yahoze ari umuyobozi mukuru w’ ikigo cy’ igihugu gishinzwe imyubakire RHA, muri Gashyantare 2017 nibwo yatsinze ikizami kimugira gitifu w’ umugi wa Kigali.


Mpabwanamaguru Merard ufunganywe na Eng. Didier Sagashya

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mwenedata wifuje kwiyamamariza kuyobora u Rwanda yaratorotse

• Mwenedata Gilbert yatangaje ko yahunze igihugu • Mwenedata wifuzaga...
13 November 2017 Yasuwe: 2467 1

Tanzania: Umuhungu wa Minisitiri w’ intebe wacyuye igihe yasogoswe n’...

Umuhungu w’uwahoze ari minisitiri w’intebe mu gihugu cya Tanzania...
19 October 2017 Yasuwe: 15794 0

Inkomoko y’ibaruwa bivugwa ko Gitwaza yandikiye FPR

Kuri uyu wa 19 Ukwakira 2017 Ubuyobozi bwa Authentic Word Ministries na...
19 October 2017 Yasuwe: 7952 2

Pro-Femmes Twese Hamwe yamaganye ubwicanyi buri kubera mu miryango

Umurambo wa Mukeshimana ubwo wari umaze gukurwa mu karima k’ imboga...
18 October 2017 Yasuwe: 3277 1

Gatabazi yatangiye gushyira mu bikorwa icyemezo cyo kudakoresha telefone mu...

Guverineri w’ intara y’amajyaruguru Gatabazi Jean Marie Vianney , kuri uyu...
13 October 2017 Yasuwe: 3827 2

Jeannette Kagame yavuze impamvu u Rwanda ruteza imbere ubuzima

Jeannette Kagame, umufasha wa Perezida w’ u Rwanda yavuze ko u Rwanda...
20 September 2017 Yasuwe: 1144 0