Kigali

Felix Tshisekedi niwe watsinze amatora ya perezida wa RDC by’agateganyo

Amakuru   Yanditswe na: Dusingizimana Remy 10 January 2019 Yasuwe: 3063

Amajwi y’agateganyo yatangajwe na Komisiyo y’amatora muri Repubulika Iharanira Demokarasi ya Congo,CENI, yagaragaje ko Félix Tshisekedi ariwe uri hejuru ndetse afite amahirwe menshi yo kuba perezida wa RDC.

Félix Tshisekedi yanikiye Martin Fayulu wa kabiri naho umukandida ushyigikiwe na Kabila, Emmanuel Ramazani Shadary aza ku mwanya wa 3.

Mu majwi yatangajwe na CENI, mu rukerera rwo kuri uyu wa Kane Taliki ya 10Mutarama 2019,ni uko Félix Tshisekedi yatowe n’amajwi 7 051 013 angana na 38,57% by’amajwi amaze kubarurwa. Martin Fayulu yaje ku mwanya wa kabiri na 6 366 732 bingana na 34,83%, imbere ya Emmanuel Ramazani Shadary watowe n’abaturage 4 357 359 bingana na 23,84%.

Corneille Naanga, Perezida wa Komisiyo y’Amatora muri RDC, yatangaje ko abakongomani bitabiriye amatora ku kigero cya 47,56% kuko muri miliyoni 40 z’abaturage bagombaga gutora, abangana na 18 329 318 nibo batoye ku wa 30 Ukuboza.

Corneille Naanga yavuze ko Tshisekedi ari hejuru cyane ndetse afite amahirwe yo kuba perezida wa mbere uturutse mu ishyaka ritavuga rumwe n’ubutegetsi utsinze amatora kuva RDC ibonye ubwigenge mu mwaka wa 1962.

Kiliziya Gatolika muri Kongo ikomeje guteza akavuyo kuko mu minsi ishize yatangaje ko Martin Fayulu ariwe watsinze amatora bigateza urunturuntu mu baturage gusa CENI yakuyeho urujijo.

Nkuko BBC ibitangaza,ibyavuye mu matora bizatangazwa burundu ku Cyumweru taliki ya 13 Mutarama 2019.


Corneille Naanga uhagarariye CENI yemeje ko Tshisekedi ariwe watsinze amatora by’agateganyo

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

TAS2019: Robot ya "Sophia" yatunguye abantu mu kiganiro yagiranye na...

Robot ya Sophia yongeye gususurutsa abitabiriye umunsi wa 3 wa Transform...
16 May 2019 Yasuwe: 3936 1

Leta y’Uburundi yafatiriye imitungo y’abashinjwa gushaka guhirika perezida...

Kuri uyu wa Gatatu nibwo mu Burundi hasohotse urwandiko rwemeza ko Leta ya...
16 May 2019 Yasuwe: 1722 0

Umuherwe Jack Ma washinze Alibaba yasabye abakozi be kujya batera akabariro...

Umuherwe wa mbere mu Bushinwa, Jack Ma,washinze kompanyi y’ubucuruzi bwo...
13 May 2019 Yasuwe: 6789 0

Abantu 3 barokotse by’igitangaza impanuka y’indege ubwo bari bagiye kureba...

Umupilote Stuart Moore n’abana abereye nyirarume barimo Jack Moore na Billie...
13 May 2019 Yasuwe: 5171 0

Somalia: Ingabo za Uganda zashwanye zirasanira mu birindiro byazo bane...

Ingabo za Uganda zasubiranyemo hagati yazo mu birindiro byazo mu gihugu cya...
12 May 2019 Yasuwe: 4167 0

Bugesera: Umukecuru yishwe akubiswe ikintu kiremeye mu mutwe

Mu karere ka Bugesera,haravugwa urupfu rw’umukecuru witwa Mariya...
11 May 2019 Yasuwe: 2208 0