Kigali

Gen.James Kabarebe yavuze ko kwishyira hamwe kwa FDLR na RNC bizafasha u Rwanda kubarangiza vuba

Amakuru   Yanditswe na: Dusingizimana Remy 5 May 2019 Yasuwe: 2450

Umujyanama Mukuru wa Perezida wa Repubulika mu bijyanye n’Igisirikare n’Umutekano, Gen James Kabarebe, yavuze ko kwishyira hamwe ku imitwe irwanya ubutegetsi bw’u Rwanda ari byiza kuko bizafasha ingabo z’u Rwanda kubamara vuba.

Gen.James Kabarebe yavuze ko ukwishyira hamwe kw’abagamije guhungabanya umutekano w’u Rwanda byoroshya urugamba rwo kubarangiza, kurusha kuba bishyira ihurizo ku mutekano w’igihugu nkuko bamwe babikeka.

Nyuma y’urugendo rwo Kwibuka ku nshuro ya 25 Jenoside yakorewe Abatutsi mu 1994, ku rwibutso rwa Commune Rouge ku wa 30 Mata, Gen Kabarebe yahamije ko ntawashyira imbere amacakubiri ngo agire icyo ageraho ahubwo ko umutima urwanira icyiza uhora utsinda.

Yagize ati “Kwishyira hamwe kwabo nibyo byiza. Kuko igihe cyose bishyize hamwe, baba baduhaye umwanya wo kubarangiza. Igihe cyose bishyize hamwe twe ni byo dushaka nubwo mba mbivuga, bashatse kwishyira hamwe twe nibyo dushaka, kuko iyo bishyize hamwe biduha umwanya, tubegera neza tukabagabaganya, tukagabanya imbaraga zabo.

Ni nako byagenze kuko bacyambuka muri Congo bagiye ari RDR, iza kuvamo ALIR ya mbere na ALIR ya kabiri, bamwe bajya mu Majyepfo ya Congo abandi baguma hano muri Kivu, baza guhura. Umunsi bahuye bakajya hamwe niwo munsi twabamaze. [...] N’ubu nubwo bakwishyira hamwe ni byo byadufasha. Igihe rero bishyize hamwe ni ho twabamariye, niho imbaraga zabo zashiriye, niko byagenze.”

Gen Kabarebe yavuze ko muri Congo yaba FDLR, CNRD na RUD-Urunana cyangwa RNC, bibereyeho gusa kubwira Abanyarwanda ko hari abantu babi bagihari, ko nta mwanya wo kwirara, kuko iyo mitwe yose irangwa n’ivangura.

Mu gihe havugwa ko imitwe myinshi igamije guhungabanya umutekano w’u Rwanda yibumbiye hamwe mu cyitwa P5 kugira ngo yiyongerere imbaraga,Gen.Kabarebe yavuze ntacyo bitwaye u Rwanda kuko bizafasha ingabo za RDF kubarangiza vuba.

Inkuru dukesha IGIHE

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Karusinga

    Abo mutarangije inshuro zirenga 5 sinziko uzabarangiza afande.Hari n’abandi benshi bari aho iruhande. Ikibazo ntabwo bari bashyira hamwe gusa. Kandi Afande aziko kugirango RPA-FPR ishyire hamwe byabafashe imyaka irenga 35. Kuko urebye amajwi UNAR yagize muri 61 nta narimwe abantu bari bashyigikiye ubwami bigeze bumvikana n’abandi batari bashyigikiye ubwami. Abantu bake bahuzwa n’ibitekerezo ntabwo bahuzwa n’amoko. Iyo udafite icyo urwanira nta na rimwe uzabona umuntu ukujya inyuma. Ubutegetsi buramba igihe buri nta makemwa ntabwo buramba kubera imbunda. Ubwo burambe nibwo buha amahoro abana bacu, abuzukuru bacu , abaturanyi amata n’ubuki mu rwa gasabo. U Rwanda amahoro abanyarwanda amahoro.

    2 months ago

Inzindi nkuru

Bugesera :Imodoka ya FUSO yagonze umwana wari uvuye ku ishuli ahasiga...

Umwana muto wigaga mu mwaka wa mbere w’amashuli abanza wari uvuye ku...
15 July 2019 Yasuwe: 3074 1

GICUMBI: Inzu Igwiriye abantu bagera kuri 15[AMAFOTO]

Mu masaha yo kuri iki gicamunsi cyo kuri uyu wa gatandatu tariki 13...
13 July 2019 Yasuwe: 10282 1

RDC: Ingabo za FARDC zisubije uduce 4 twari twarigaruriwe n’inyeshyamba

Ingabo za RDC zisigaye zifite imbaraga zidasanzwe, zarashe inyeshyamba zo...
13 July 2019 Yasuwe: 2633 0

Abasore 3 bafashwe bari gushaka kwiba imashini za Positivo mu kigo cya...

Abasore 3 bafashwe bari mu kigo cy’amashuli cya Groupe Scolaire Maya...
8 July 2019 Yasuwe: 2538 0

ICC yahamije Ntaganda ibyaha 18 birimo ubwicanyi no gufata ku...

Urukiko mpuzamahanga mpanabyaha,ICC, rwahamije Bosco Ntaganda ibyaha 18...
8 July 2019 Yasuwe: 1112 0

Umugore yababaje benshi kubera amafoto agaragaza uburyo yahohotewe bikabije...

Umugore witwa Jenna Hurley yavuze ko yagize ubwoba bwinshi ko agiye gusiga...
6 July 2019 Yasuwe: 4703 1