Kigali

Ibiciro bya pasiporo byongerewe ku baturage basanzwe ntibyahinduka ku banyacyubahiro

Amakuru   Yanditswe na: Dusingizimana Remy 31 May 2019 Yasuwe: 2640

Iteka rya Minisitiri ryo kuwa 30 Gicurasi 2019 ryerekeye abinjira n’abasohoka,ryatangaje amavugurura ku giciro cy’urwandiko rujya mu mahanga ruzwi nka Passport ku bantu bakuru basanzwe aho rwakuwe ku bihumbi 50 rushyirwa ku bihumbi 75 Frw mu gihe iy’abanyacyubahiro yagumye ku bihumbi 50 Frw.



Ku mugereka w’Iteka rya Minisitiri ryerekeye Abinjira n’Abasohoka ryasohotse mu igazeti ya Leta yo kuwa 30 Gicurasi 2019, ryavuze ko amafaranga yatangwaga ngo Umunyarwanda ahabwe zimwe mu nyandiko z’inzira yavuguruwe.

Kuri pasiporo zisanzwe hongerewemo iy’abana, aho uyishaka azajya yishyura 25 000 Frw, naho pasiporo y’abakuru uyishaka akishyura 75 000 Frw.

Mu iteka rishaje ryo mu 2011, pasiporo isanzwe yatangwaga uyishaka amaze kwishyura 50 000 Frw. Nta pasiporo yihariye igenewe abana yagaragaragamo, kuko yishyuzwaga kimwe n’umuntu mukuru.

Mu iteka rishya, pasiporo y’umuntu mukuru imara imyaka icumi yashyizwe ku mafaranga 100 000 Frw, pasiporo y’akazi ishyirwa ku 15 000 Frw aho kuba 10 000 Frw nk’uko byari bisanzwe naho pasiporo y’abanyacyubahiro ikomeza kuba 50 000 Frw.

Ibiciro bya Laissez passer nta cyahindutse kuko iy’umuntu mukuru yakomeje kuba 10 000 Frw naho iy’umwana igakomeza kuba 5 000 FRW.

Mu bindi byahindutse harimo igiciro cy’urwandiko rw’inzira rw’impunzi rwashyizwe ku 20 000 Frw mu gihe iteka ryo mu 2011 ryari ryashyizeho 5 000 Frw.

Ibiciro by’inyandiko z’inzira mu Rwanda byaherukaga kuvugururwa mu 2011.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umujyi wa Kigali wiyemeje kutazongera kwimura abantu kubera ko batuye mu...

Ubuyobozi bw’Umujyi wa Kigali bwemeje ko nta muturage uzongera kwimurwa aho...
26 November 2019 Yasuwe: 6953 0

RIB yafatiye mu mukwabu ibicuruzwa bitemewe bifite agaciro ka miliyoni...

Urwego rw’igihugu rw’ubugenzacyaha, RIB,ruravuga ko Ibicuruzwa bitemewe...
11 November 2019 Yasuwe: 3605 0

Polisi y’igihugu igiye gutangira gufatira ibihano abantu bayihamagara...

Polisi y’u Rwanda yashyizeho imirongo itishyurwa yo gufasha Abanyarwanda...
11 November 2019 Yasuwe: 3456 0

Burundi: Abantu 80 barimo Abanyarwanda 10 bafatiwe mu mukwabu wakozwe na...

Abantu 80 barimo Abanyarwanda 10 batuye muri Komini Rugombo iherereye mu...
6 November 2019 Yasuwe: 6009 0

Umubyeyi wa Cristiano Ronaldo yashinje ubujura abatanga ibihembo...

Nyina wa Cristiano Ronaldo witwa Dolores Aveiro yabwiye abanyamakuru kuwa...
3 November 2019 Yasuwe: 2757 0

Nyarugenge: Meya yagiye kwirebera agatsiko kiswe “Abanyabutare” kamaze kubaka...

Umuyobozi w’akarere ka Nyarugenge madamu Kayisime Nzaramba yafashe umwanzuro...
2 November 2019 Yasuwe: 6897 0