Kigali

Imashini za Tingatinga n’imodoka za Mugabe wahoze ayoboye Zimbabwe bigiye gutezwa cyamunara

Amakuru   Yanditswe na: Dusingizimana Remy 10 May 2019 Yasuwe: 2476

Itangazo rya cyamunara ryasohotse kuri uyu wa kane mu bitangazamakuru byo muri Zimbabwe riravuga ko imitungo y’uwahoze ari perezida w’iki gihugu,Robert Mugabe irimo imodoka 30 zirimo za Mercedes Benz C-class limousine na za Ford Rangers hamwe na za tingatinga ze zakoreshwaga mu buhinzi bigiye gutezwa cyamunara.

Ikinyamakuru Herald kivugira leta ya Zimbabwe kivuga ko imodoka ndetse n’ibikoresho byo mu mirimo y’ubuhinzi-bworozi bya Robert Mugabe wahoze ayobora iki gihugu biratezwa cyamunara kuri uyu wa gatandatu.

Iki kinyamakuru cyavuze ko iki ari ikimenyetso cy’ibibazo by’ubukungu umuryango wa Mugabe urimo muri iyi minsi,cyane ko we afite ikibazo cy’uburwayi bw’izabukuru.

Ikinyamakuru Herald cyavuze ko impamvu y’iyi cyamunara itatangajwe, ariko bivugwa ko umuryango wa Mugabe umaze igihe kinini mu nkiko kubera imyenda utishyuye.

Mugabe w’imyaka 95, yamaze imyaka 37 ku butegetsi muri Zimbabwe,abuhirikwaho mu mwaka wa 2017 ku gitutu cya rubanda cyatumye ingabo zimuvanaho, asimburwa n’uwari amwungirije batavugaga rumwe, Emmerson Mnangagwa.

Mu cyumweru gishize perezida Mnangagwa yavuze ko Robert Mugabe ubu yagiye kwivuriza muri Singapore.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

TAS2019: Robot ya "Sophia" yatunguye abantu mu kiganiro yagiranye na...

Robot ya Sophia yongeye gususurutsa abitabiriye umunsi wa 3 wa Transform...
16 May 2019 Yasuwe: 3712 1

Leta y’Uburundi yafatiriye imitungo y’abashinjwa gushaka guhirika perezida...

Kuri uyu wa Gatatu nibwo mu Burundi hasohotse urwandiko rwemeza ko Leta ya...
16 May 2019 Yasuwe: 1648 0

Umuherwe Jack Ma washinze Alibaba yasabye abakozi be kujya batera akabariro...

Umuherwe wa mbere mu Bushinwa, Jack Ma,washinze kompanyi y’ubucuruzi bwo...
13 May 2019 Yasuwe: 6677 0

Abantu 3 barokotse by’igitangaza impanuka y’indege ubwo bari bagiye kureba...

Umupilote Stuart Moore n’abana abereye nyirarume barimo Jack Moore na Billie...
13 May 2019 Yasuwe: 5047 0

Somalia: Ingabo za Uganda zashwanye zirasanira mu birindiro byazo bane...

Ingabo za Uganda zasubiranyemo hagati yazo mu birindiro byazo mu gihugu cya...
12 May 2019 Yasuwe: 4137 0

Bugesera: Umukecuru yishwe akubiswe ikintu kiremeye mu mutwe

Mu karere ka Bugesera,haravugwa urupfu rw’umukecuru witwa Mariya...
11 May 2019 Yasuwe: 2196 0