Kigali

Indege za Boeing 737 Max 8 zahagaritswe kongera gukoreshwa mu ngendo kubera impanuka y’indege ya Ethiopian Airlines

Amakuru   Yanditswe na: Dusingizimana Remy 11 March 2019 Yasuwe: 2960

Kompanyi zitandukanye z’indege zitwara abagenzi zahagaritse gukoresha indege zo mu bwoko bwa Boeing 737 Max 8 nyuma yaho indege yo muri ubu bwoko ya kompanyi Ethiopian Airlines yo muri Ethiopia ikoreye impanuka.

Mu gitondo cyo ku munsi w’ejo taliki ya 10 Werurwe 2019,nibwo igikuba cyacitse ko indege yo mu bwoko bwa Boeing 737 Max 8 ya kompanyi Ethiopian Airlines yavaga Addis-Abeba wa Ethiopia yerekeza iNairobi muri Kenya, yakoze impanuka hashize iminota 6 ihagurutse, abantu 157 bose bari bayirimo bahagisa ubuzima.

Kubera ko no mu mezi 6 ashize ubwoko bw’iyi ndege bwakoze impanuka isa neza n’iyi,urwego rw’Ubushinwa rugenzura ingendo z’indege rwategetse kompanyi z’indege zo muri iki gihugu guhagarika gukoresha indege zo mu bwoko bwa Boeing 737 Max 8.

Kompanyi za Ethiopian Airlines na Cayman Airways na zo zahagaritse gukoresha ubu bwoko bw’indege mu gutwara abagenzi.

Kompanyi z’indege zo mu Bushinwa zategetswe guhagarika ingendo z’izo ndege zose zo mu bwoko bwa Boeing 737 Max 8 mbere ya saa kumi n’ebyiri z’umugoroba ku isaha yo mu Bushinwa.

Iyi mpanuka yo kuri iki cyumweru yabaye impanuka ya kabiri y’indege yo muri ubu bwoko bwa Boeing 737 Max 8 ibaye mu mezi atanu ashize kuko mu kwezi kwa cumi k’umwaka ushize,indege yo muri ubu bwoko ya kompanyi Lion Air yakoze impanuka ihitana abantu 189 bari bayirimo.

Itangazo ry’urwego rw’Ubushinwa rugenzura ingendo z’indege za gisivile rigira riti: "Bitewe n’impanuka ebyiri zose zakozwe n’indege nshya zo mu bwoko bwa Boeing 737 Max 8 kandi zikaba mu gihe indege zari zigihaguruka, hari ukuntu zifitanye isano".

Kompanyi nyinshi zo gutwara abantu mu ndege zo mu Bushinwa ziragirwaho ingaruka n’iki cyemezo, harimo nka kompanyi Air China, China Eastern Airlines na China Southern Airlines.

Indege zirenga 90 zo mu bwoko bwa Boeing 787 Max 8 zirakoreshwa mu Bushinwa. Indege zo muri ubu bwoko urebye nta gihe zimaze ziguruka, zikaba zaratangiye gukoreshwa mu ngendo zo gutwara abantu mu ndege mu mwaka wa 2017.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

GICUMBI: Inzu Igwiriye abantu bagera kuri 15[AMAFOTO]

Mu masaha yo kuri iki gicamunsi cyo kuri uyu wa gatandatu tariki 13...
13 July 2019 Yasuwe: 9761 1

RDC: Ingabo za FARDC zisubije uduce 4 twari twarigaruriwe n’inyeshyamba

Ingabo za RDC zisigaye zifite imbaraga zidasanzwe, zarashe inyeshyamba zo...
13 July 2019 Yasuwe: 2420 0

Abasore 3 bafashwe bari gushaka kwiba imashini za Positivo mu kigo cya...

Abasore 3 bafashwe bari mu kigo cy’amashuli cya Groupe Scolaire Maya...
8 July 2019 Yasuwe: 2339 0

ICC yahamije Ntaganda ibyaha 18 birimo ubwicanyi no gufata ku...

Urukiko mpuzamahanga mpanabyaha,ICC, rwahamije Bosco Ntaganda ibyaha 18...
8 July 2019 Yasuwe: 1067 0

Umugore yababaje benshi kubera amafoto agaragaza uburyo yahohotewe bikabije...

Umugore witwa Jenna Hurley yavuze ko yagize ubwoba bwinshi ko agiye gusiga...
6 July 2019 Yasuwe: 4566 1

Gakenke: Umukobwa arashinja Gitifu kumufata ku ngufu anamutera...

Umukobwa ukomoka mu murenge wa Mugunga mu karere ka Gakenke, arashinja...
6 July 2019 Yasuwe: 2794 1