Amakuru
Kamonyi:Coaster yagonganye n’ikamyo ya RAB bamwe mu bagenzi bahasiga ubuzima [AMAFOTO]
Yanditswe: Thursday 17, Jan 2019
Sponsored Ad
Kuri uyu wa Kane,Taliki ya 17 Mutarama 2019, mu karere ka Kamonyi ahazwi nko ku Mugomero, impanuka ikomeye yabereye aho ikamyo y’ikigo cy’igihugu cy’ubuhinzi (RAB) yagonganye n’imodoka itwara abagenzi yo mu bwoko bwa Toyota Coaster, bigatuma abantu bamwe bahasiga ubuzima.
Sponsored Ad
Ababonye iyi mpanuka iba batangarije ikinyamakuru Ukwez dukesha iyi nkuru ko imodoka itwara abagenzi yo mu bwoko bwa Coaster yavaga i Kigali ijya i Muhanga, yageze ku Mugomero ikagongana n’ikamyo yavaga i Muhanga yerekeza mu mujyi wa Kigali. Ababibonye bahamya ko ikamyo ari yo yagendeye nabi iyo coaster bikaba intandaro yo kugongana.
Umuvugizi w’Ishami rya Polisi y’u Rwanda rishinzwe umutekano wo mu muhanda, SSP Ndushabandi JMV, yatangarije iki kinyamakuru ko abakora ubutabazi bari bakirwana no gukura abashoferi mu modoka zari zangiritse cyane, bakabura uko bavamo.
Umubare w’abakomerekeye muri iyi mpanuka cyangwa amakuru y’ababa bayiguyemo nturamenyekana kuko habanje gukorwa ibikorwa by’ubutabazi. Abari bari aho impanuka yabereye bahamya ko hari abahise bapfa n’ubwo bavuga ko batazi umubare.
Ibitekerezo
Abaguye muri iyo mpanuka Imana ibakire. Nari inyuma y’iyi Coaster ho imodoka 3 nibyo koko iriya Camion niyo yasanze Coaster mumukono wayo, ndetse iyisunika iyisubiza inyuma bishoboke ko yari yabize Frein dore ko ari no muga conner. Ndashimira abashinzwe umutekano wo mumuhanda ukuntu bahise badutabara. Imbangukiragutabara nazo ntizatinze. Police y’u Rwanda iri maso pe! Mukomereze aho!
Abaguye muri iyo mpanuka Imana ibakire. Nari inyuma y’iyi Coaster ho imodoka 3 nibyo koko iriya Camion niyo yasanze Coaster mumukono wayo, ndetse iyisunika iyisubiza inyuma bishoboke ko yari yabize Frein dore ko ari no muga conner. Ndashimira abashinzwe umutekano wo mumuhanda ukuntu bahise badutabara. Imbangukiragutabara nazo ntizatinze. Police y’u Rwanda iri maso pe! Mukomereze aho!