addresiya
Kigali
startimes

Leta y’u Rwanda yagiriye inama Abanyarwanda yo guhagarika kujya muri Uganda

Amakuru   Yanditswe na: Dusingizimana Remy 1 March 2019 Yasuwe: 4618

Minisitiri w’Ububanyi n’amahanga akaba n’umuvugizi wa Leta y’u Rwanda Amb.Sezibera Richard yatangaje ko Guverinoma y’u Rwanda isaba abanyarwanda bose guhagarika kujya muri Uganda kubera impungenge z’umutekano wabo.



Guverinoma y’u Rwanda ihangayikishijwe n’umutekano w’Abanyarwanda bajya muri Uganda n’abatuyeyo, nyuma y’ubuhamya bw’abarenga 800 bamaze iminsi bahohoterwa bikomeye ku butaka bw’iki gihugu kiyoborwa na Museveni,ariyo mpamvu Minisitiri w’Ububanyi n’Amahanga w’u Rwanda, Dr Richard Sezibera, yatangarije kabanyamakuru ko basaba abanyarwanda kutajya muri Uganda kubera umutekano wabo.

Yagize ati Turagira inama ikomeye abanyarwanda yo kutajya muri Uganda, kubera ibikorwa by’urugomo bari gukorerwa.Baragenda bagafatwa, bagahohoterwa, bagafungwa, bamwe bakicwa, abandi bakirukanwa mu gihugu, ni ibibazo bimaze igihe, ntabwo twifuza ko abanyarwanda bakomeza kugira ibibazo muri Uganda.”

Amb.Richard Sezibera yanyomoje ibyavuzwe ko u Rwanda rwafunze umupaka wa Gatuna mu rwego rwo guhagarika ibikamyo by’abanya Uganda bashoraga imari mu Rwanda ko ahubwo uyu mupaka wafunzwe gato kugira ngo umuhanda wubakwe ndetse ngo hakwitabazwa indi mipaka.

Yagize ati "Nta mupaka w’u Rwanda ufunze, imipaka yose irafunguye ariko amakamyo n’imodoka ziremereye byasabwe gukoresha umupaka wa Kagitumba kubera ibikorwa byo kubaka kuri Gatuna. Umupaka urimo kubakwa, turasaba ko izindi modoka zica Kagitumba."

Abanyarwanda baba muri Uganda bakomeje gufungwa ubutitsa,bari gukubitwa bari kwamburwa ibyabo n’abashinzwe umutekano muri Uganda bashinjwa ko ari intasi z’u Rwanda.

Mu gace ka Kisoro biravugwa ko abashinzwe umutekano bari guhiga abanyarwanda babafata bakabaka ibyangombwa kugira ngo babone ibinyoma bitwaza mu kubafunga no kubahohotera.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Buturo

    Afande yarabivuze nonese byatanze iki? Bajyayo kuberako baramira ubuzima bwabo. Uzicwa n’inzara hakurya byeze?

    March 2019
  • chat_bubble sezibera

    Umva ko Africa izagira Ubumwe.Namwe murebe ibibazo dufitanye na Uganda,DRC na Burundi.Tujye tumenya yuko isi yose ari iy’Imana.Ibihugu n’imipaka byazanywe n’intambara.Imana itubuza kwangana no kurwana,ikadusaba gukundana.Usanga abantu batuye isi bakora ibyo Imana itubuza.Kubera ko abantu bananiye Imana,yashyizeho umunsi w’imperuka,ubwo izakura mu isi abantu bose bakora ibyo itubuza nkuko Imigani 2:21,22 havuga.Isi yose izaba igihugu kimwe,gituwe n’abantu bakundana kandi bumvira Imana.Niwo muti w’intambara no kwangana.

    March 2019

Inzindi nkuru

Niringiyimana wakoze umuhanda wa 7Km yakorewe urugomo na bamwe mu baturanyi...

Umunyarwanda witwa Niringiyimana Emmanuel wo mu murenge wa Murambi mu...
20 March 2020 Yasuwe: 10778 4

Video: Umunyamakuru Angeli Mutabaruka wa TV1 avuga ko ubuzima bwe buri mu...

Nyuma y’aho hari abibasiye Angeli Mutabaruka, umunyamakuru wa TV1 kur rubuga...
9 March 2020 Yasuwe: 34619 7

Uganda yashyize mu kato abanyamahanga bane bari bayinjiyemo ibakekaho...

Abanyamahanga bane bari binjiye muri Uganda bahawe akato mu bitaro bya...
2 March 2020 Yasuwe: 4693 0

#Umwiherero 2020: Nubwo Uganda idusaba gufungura imipaka niyo...

Perezida Kagame yavuze ko ikibazo cy’u Rwanda na Uganda cyakomejwe na Uganda...
16 February 2020 Yasuwe: 5968 1

Umugabo wa Senateri Mureshyankwano ari mu baguye mu mpanuka yabereye...

Umugabo wa Senateri Mureshyankwano Marie Rose witwa Ngendahayo Edouard ari...
13 February 2020 Yasuwe: 18359 4

Dushobora no gukora n’inama igihumbi ikibazo kidakemuka –Amb. Nduhungirehe ku...

Umunyamabanga wa Leta y’u Rwanda muri Minisiteri y’ububanyi n’amahanga, Amb....
3 February 2020 Yasuwe: 4969 2