Kigali

Minisitiri Mugoya yateye urujijo benshi kubera ibyo yatangaje ku banyarwanda bafungiwe muri Uganda

Amakuru   Yanditswe na: Dusingizimana Remy 24 August 2019 Yasuwe: 6517

Umunyamabanga uhoraho muri Minisiteri y’ Ububanyi n’ amahanga wa Uganda Amb. James Mugoya yavuze ko Abanyarwanda bafungiwe muri Uganda bafunzwe mu buryo bukurikije amategeko ndetse ko bazafungurwa hakurikijwe ubutabera.



Uyu Munyamabanga uhoraho muri Minisiteri y’Ububanyi n’amahanga ya Uganda,yabwiye Chimpreports ko iki gihugu kitazafunga Abanyarwanda ndetse n’abafungiweyo bafunzwe byemewe n’amategeko,bityo bazafungurwa bitewe n’imyanzuro y’ubutabera ibintu u Rwanda rutemera kuko rwasabye ko bagezwa imbere y’ubutabera iki gihugu kikabyanga.

Yagize ati “Aho duhagaze ni uko Abanyarwanda bose bahawe ikaze muri Uganda. Abatawe muri yombi hagomba gukurikizwa amategeko. Twitega ko abaturage bose bagomba kubaha amategeko, iyo wishe amategeko waba Umunyarwanda cyangwa undi uwo ariwe wese,ugomba kubiryozwa.Igihe hari ibyo ugomba kubazwa, ntabwo ushobora kurekurwa kuko amategeko agomba gukurikizwa.”

Mu minsi ishize, umunyamabanga wa Leta muri Minisiteri y’Ububanyi n’amahanga Amb. Nduhungirehe yasabye Uganda ko yareka abanyarwanda barenga 100 bafungiwe muri gereza zitazwi ko bagezwa imbere y’ inkiko bakaburanishwa ariko iki gihugu cyarabyanze.

Amb. Olivier Nduhungire yasabye abanyarwanda kuba baretse kwerekeza muri Uganda kugeza igihe iki gihugu kizafungurira Abanyarwanda bagifungiwemo budakurikije amategeko.

Kuri uyu wa Gatatu taliki ya 21 Kanama 2019 nibwo Perezida Paul Kagame na Yoweri Kaguta Museveni bashyize umukono ku masezerano y’ubufatanye n’umutekano byitezwe ko ashobora kuzashyira iherezo ku bibazo bimaze igihe hagati y’u Rwanda na Uganda.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Polisi y’igihugu igiye gutangira gufatira ibihano abantu bayihamagara...

Polisi y’u Rwanda yashyizeho imirongo itishyurwa yo gufasha Abanyarwanda...
11 November 2019 Yasuwe: 2507 0

Burundi: Abantu 80 barimo Abanyarwanda 10 bafatiwe mu mukwabu wakozwe na...

Abantu 80 barimo Abanyarwanda 10 batuye muri Komini Rugombo iherereye mu...
6 November 2019 Yasuwe: 4665 0

Umubyeyi wa Cristiano Ronaldo yashinje ubujura abatanga ibihembo...

Nyina wa Cristiano Ronaldo witwa Dolores Aveiro yabwiye abanyamakuru kuwa...
3 November 2019 Yasuwe: 2192 0

Nyarugenge: Meya yagiye kwirebera agatsiko kiswe “Abanyabutare” kamaze kubaka...

Umuyobozi w’akarere ka Nyarugenge madamu Kayisime Nzaramba yafashe umwanzuro...
2 November 2019 Yasuwe: 6044 0

Rusizi: Abagabo 4 bakekwaho guhungabanya umutekano beretswe...

Inzego zishinzwe umutekano mu karere ka Rusizi zeretse abaturage bo mu...
27 October 2019 Yasuwe: 4904 2

Nigeria: Abaturage bacitse ururondogoro kubera amakuru yavugaga ko perezida...

Mu gihugu cya Nigeria havuzwe igihuha cyavugaga ko perezida w’iki gihugu...
12 October 2019 Yasuwe: 5705 2