Kigali

Musanze: Abagizi ba nabi batatu basagariye umukobwa bamwita Umututsi bakubita umusore washatse kumutabara

Amakuru   Yanditswe na: Dusingizimana Remy 9 April 2019 Yasuwe: 8273

Mu Murenge wa Busogo mu Karere ka Musanze, haravugwa abasore batatu basagarariye umwana w’umukobwa w’imyaka 19 witwa Uwamahoro Denise ukora mu nzu icururizwamo amafunguro (Restaurant) bamubwira ko ari umututsi,banakubita umusore bakoranaga wari uje kumutabara.



Ku cyumweru taliki ya 07 Mata 2019,ahagana saa kumi n’ebyiri z’umugoroba,ubwo abantu bari kwerekeza mu ijoro ryo kwibuka,nibwo aba bagizi ba nabi batatu basanze uyu mukobwa imbere y’aho akora kuri restaurant yitwa Corner iherereye mu mudugudu wa Gahanga,akagari ka Gisesero mu murenge wa Busogo,baramufata batangira kumusagararira bamukubita urushyi,bamwita ko asa n’abatutsi,umusore bakoranaga aje kumutabara baramukubita bamugira intere.

Uwamahoro yabwiye TV1 ko aba bagizi ba nabi bamukubise bamwita ko asa n’abatutsi atabarwa na mugenzi we bakorana,bakubise bakagira intere.

Yagize ati “Haje abahungu batatu,havamo umwe araza aho nari mpagaze turi abantu 3.Twari abakobwa 2 n’umuhungu umwe,batoranyamo njye.Baravuga bati “Uyu si Umututsi?,undi ati “ntubibona se?,aba ankubise urushyi.umusore dukorana aza kuntabara niwe bahise batangira gukubita.

Uyu musore bakubise akajya kwa muganga yavuze ko aba bagizi ba nabi bakubise uyu mukobwa bamwita Umututsi,atabaye bahita batangira kumukubita.

Yagize ati “Nabonye bamufashe bakajya bamuhengura umutwe baba bamukubise urushyi.Nahise mbabaza nti “Ni gute ukubita umuntu nta kintu muvuganye,umuhoye iki?.Yambwiye ngo “Abantu bose si kimwe dore uyu ni Umututsi.Nahise mubaza nti “ibyo uri kuvuga ni ibiki,biracyabaho se.Abasore babiri bahise banterura bankubita hasi nibwo uwa 3 yatangiye kunkubita.”

Twagirimana Edouard, Umunyamabanga Nshingwabikorwa w’Umurenge wa Busogo, yatangarije ko ayo makuru yayumvise nk’abandi ariko bari kuyakurikirana.

Yagize ati “Uko mwabyumvise natwe niko twabyumvise.Twari mu ijoro ryo kwibuka,icyo twakoze twagerageje gushakisha uwaba yabigizemo uruhare.Twakoze uburinzi dushakisha ko twamubona ariko yahise amenya icyaha yakoze ahita yihisha.Kugeza ubu dosiye twayishyikirije RIB kugira ngo ikore iperereza.Uwakubiswe nawe biragaragara ko ari gukira.”

Iki gikorwa cy’ingengabitekerezo ya Jenoside cyagaragaye ku munsi wa mbere wo kwibuka ku nshuro ya 25 mu murenge wa Busogo,cyagaragaje ko hari benshi bagifite iyi ngengabitekerezo.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble theo

    arko mwumva kuba mu moko bizabageza he ntimwanyuzwe arko muribeshya simwe mugena uko tuzabaho.

    17 April
  • chat_bubble iribagiza

    Ariko kugeza ubu sindasobanukirwa abitwa ibipinga buri munsi cg bagatukwa ko ari abahutu b abicanyi.....ko ari babi ingagi ko ndumva ntawe RIB irarenganura?

    11 April
  • chat_bubble gatare

    Kuronda amoko ni ubujiji.Yaba umututsi,umuhutu,umuzungu,umushinwa,etc...twese dukomoka kuli ADAMU.Umuntu ufite agaciro mu maso y’Imana,si umuhutu cyangwa umututsi,si umutegetsi,si ukomeye,si umukire,etc...ahubwo ni "ukora ibyo Imana ishaka kandi ntiyibere mu byisi gusa,ahubwo akabifatanya no gushaka Imana".Uwo niwe wenyine uzaba mu isi nshya cyangwa ijuru rishya dusoma muli 2 Petero 3:13.

    10 April
  • chat_bubble YANDEREYE Clemence

    Iyinkuru ntabwo icukumbuye neza .kuki uyu mukobwa yari n’aba bahungu batagerageje gutabaza ngo babatabare .Baravuga ko umuhungu ariwe wakubiswe ,bakarangiza bavuga ngo umukobwa atangiye gukira .Abantu batatu bakubise umuntu muri restaurant bagenda ntawe ubaciye iryera?

    10 April
  • chat_bubble Luky

    Nibihangane hariya ndahazi nahabaye igihe kirekire ,ubutabera bukore akazi kabwo!

    9 April

Inzindi nkuru

Umujyi wa Kigali wiyemeje kutazongera kwimura abantu kubera ko batuye mu...

Ubuyobozi bw’Umujyi wa Kigali bwemeje ko nta muturage uzongera kwimurwa aho...
26 November 2019 Yasuwe: 7014 0

RIB yafatiye mu mukwabu ibicuruzwa bitemewe bifite agaciro ka miliyoni...

Urwego rw’igihugu rw’ubugenzacyaha, RIB,ruravuga ko Ibicuruzwa bitemewe...
11 November 2019 Yasuwe: 3643 0

Polisi y’igihugu igiye gutangira gufatira ibihano abantu bayihamagara...

Polisi y’u Rwanda yashyizeho imirongo itishyurwa yo gufasha Abanyarwanda...
11 November 2019 Yasuwe: 3490 0

Burundi: Abantu 80 barimo Abanyarwanda 10 bafatiwe mu mukwabu wakozwe na...

Abantu 80 barimo Abanyarwanda 10 batuye muri Komini Rugombo iherereye mu...
6 November 2019 Yasuwe: 6075 0

Umubyeyi wa Cristiano Ronaldo yashinje ubujura abatanga ibihembo...

Nyina wa Cristiano Ronaldo witwa Dolores Aveiro yabwiye abanyamakuru kuwa...
3 November 2019 Yasuwe: 2771 0

Nyarugenge: Meya yagiye kwirebera agatsiko kiswe “Abanyabutare” kamaze kubaka...

Umuyobozi w’akarere ka Nyarugenge madamu Kayisime Nzaramba yafashe umwanzuro...
2 November 2019 Yasuwe: 6941 0