Kigali
dnd

Musanze: Abantu bitwaje intwaro bateye mu Kinigi bica abantu 08 bakomeretsa benshi [Yavuguruwe]

Amakuru   Yanditswe na: Dusingizimana Remy 5 October 2019 Yasuwe: 17808

Abagizi ba nabi bari bitwaje intwaro zirimo n’imbunda baraye bagabye igitero gikomeye mu murenge wa Kinigi na Musanze, bica abantu basaga icumi bakomeretsa abandi benshi.



Ubu bwicanyi bwabaye mu masaha y’ijoro ryakeye ahagana saa yine mu karere ka Musanze mu tugari twa Kabazungu mu murenge wa Musanze n’akagari ka Kaguhu mu murenge wa Kinigi.

Umuyobozi w’ umurenge wa Musanze, Aloys Niyibizi,yatangaje ko abateye ari abantu bashakaga ibyo kurya gusa ntiyavuga aho baturutse nubwo benshi bavuze ko ari Interahamwe.

Abaturage bavuze ko bakeka ko aba bicanyi batamenye neza aho baturutse bashoborakuba ari aba FDLR babaga muri pariki y’I Birunga. Aba bagizi ba nabi bateye mu ijoro ryo kuwa Gatanu taliki ya 04 Ukwakira 2019, batangira kwica abantu.

Inzego zishinzwe umutekano zahise zitangira gukora iperereza kuri ubu bwicanyi n’aho aba bagizi ba nabi baturutse, ndetse ngo kuri ubu ingabo z’u Rwanda zahise zigaba ku bwinshi muri iyi mirenge.

Nkuko amakuru atugeraho abitangaza,aba bicanyi bicaga umuntu wese wageragezaga gutabaza ndetse ngo baje babaza aho agasanteri kitwa mu Kajagari gaherereye.

Kugeza ubu umubare w’abantu baguye muri ubu bwicanyi ntibaramenyekana neza gusa abagera ku icumi nibo bamaze kumenyekana ko bapfuye abandi bakomeretse bajyanwa kwa muganga mu kigo nderabuzima cya Bisate,abandi bajyanwa mu bitaro bya Ruhengeri.

Umuvugizi wa Polisi y’u Rwanda yatangaje ko aba bagizi ba nabi bishe abantu 08 barimo 6 bicishijwe intwaro gakondo abandi 2 baraswa amasasu.Abantu bagera kuri 18 bakomeretse bajyanwa kwa muganga kuri ubu bari kwitabwaho n’abaganga.

Inzego zishinzwe umutekano zabyutse zihumuriza abaturage ndetse aba bagizi ba nabi bakomeje gushakishwa.


Itangazo ryasohowe na polisi y’igihugu

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Amani

    abapfuye Imana ibakire. Gusa abarwanira ubutegetsi bose ikibi cyabo nuko bica inzira karengane zitazi iyo biva niyo bijya. Gusa abaturage bagomba gushyira hamwe bagakorana n’inzego z’umutekano mukurinda umutekano w’igihugu cyabo.

    2 months ago

Inzindi nkuru

Umujyi wa Kigali wiyemeje kutazongera kwimura abantu kubera ko batuye mu...

Ubuyobozi bw’Umujyi wa Kigali bwemeje ko nta muturage uzongera kwimurwa aho...
26 November 2019 Yasuwe: 7054 0

RIB yafatiye mu mukwabu ibicuruzwa bitemewe bifite agaciro ka miliyoni...

Urwego rw’igihugu rw’ubugenzacyaha, RIB,ruravuga ko Ibicuruzwa bitemewe...
11 November 2019 Yasuwe: 3664 0

Polisi y’igihugu igiye gutangira gufatira ibihano abantu bayihamagara...

Polisi y’u Rwanda yashyizeho imirongo itishyurwa yo gufasha Abanyarwanda...
11 November 2019 Yasuwe: 3506 0

Burundi: Abantu 80 barimo Abanyarwanda 10 bafatiwe mu mukwabu wakozwe na...

Abantu 80 barimo Abanyarwanda 10 batuye muri Komini Rugombo iherereye mu...
6 November 2019 Yasuwe: 6095 0

Umubyeyi wa Cristiano Ronaldo yashinje ubujura abatanga ibihembo...

Nyina wa Cristiano Ronaldo witwa Dolores Aveiro yabwiye abanyamakuru kuwa...
3 November 2019 Yasuwe: 2784 0

Nyarugenge: Meya yagiye kwirebera agatsiko kiswe “Abanyabutare” kamaze kubaka...

Umuyobozi w’akarere ka Nyarugenge madamu Kayisime Nzaramba yafashe umwanzuro...
2 November 2019 Yasuwe: 6956 0