Kigali

Ngoma: Umuturage yarasiwe hafi y’ urukiko nyuma yo gutanga ubuhamya yivuguruza no kubeshya amazina

Amakuru   Yanditswe na: Nsanzimana Ernest 19 September 2018 Yasuwe: 8123

Kuri uyu wa kabiri tariki 18 Nzeli 2018, ku Rukiko Rwisumbuye rwa Ngoma, harasiwe umugabo wari wagiye gutanga ubuhamya mu rubanza ruregwamo umuntu ushinjwa kurya ruswa

Amakuru yo kuraswa k’uyu mugabo ababibonye batangarije Umuseke ko byabaye ubwo Umupolisi yari yahawe kumurinda nyuma yo gusohorwa mu rukiko bitegetswe n’umucamanza

Uyu mugabo witwa Mbanabo wo mu murenge wa Gashanda ngo mbere yari yatanze ubuhamya ashinja uregwa kurya ruswa ukorera Sosiyete y’Abashinwa yubaka umuhanda muri Ngoma.

Uyu munsi Mbanabo yageze imbere y’Umucamanza yisubiraho ahubwo ashinjura ukurikiranwe, nyuma aza gusohorwa, Umucamanza asabye ko hinjira umugore w’uriya uregwa kurya ruswa.

Mbanabo w’imyaka 25 ageze hanze aho yari arinzwe n’Umupolisi, birakekwa ko yagize ubwoba ko aza gufungwa ahitamo kwiruka.

Ababibonye bavuze ko akimara kwiruka Umupolisi yamusabye guhagarara ariko undi arabyanga ndetse n’abagerageje kumufata arabishikanuza akomeza kwiruka, nibwo Umupolisi yarashe amasasu abiri aramuhusha, isasu rya gatatu rimufata akaguru k’iburyo yikubita hasi.

Umuvugizi wa Polisi mu Ntara y’Iburasirazuba yatangarije Umuseke ko uriya mugabo warashwe yari yabeshye amazina ye mu Rukiko, ngo Umushinjacyaha asaba ko afungwa, ubwo Umupolisi yashakaga kumwambika amapingu ngo ni bwo yagerageje kwiruka mu buryo bwo kumugarura amurasa amaguru ngo nta kundi byari kugenda.

CIP Theobald Kanamugire yavuze ko ahumuriza abaturage bumvise amasasu bakikanga, ngo nta gikuba cyacitse.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble MUSEMAKWELI

    NGO NTAGIKUBA CYACITSE TWABUZE UMUNTU TUGATAKAZA N’AMASASU ATATU YOSE KANDI TUTARI KURUGAMBA

    1 month ago

Inzindi nkuru

Ubushinjacyaha bwa Saudi bwasabiye abishe umunyamakuru Khashoggi gucibwa...

Ubushinjacyaha bwa Saudi Arabia bwasabiye igihano cyo gucibwa imitwe...
15 November 2018 Yasuwe: 974 0

Michelle Obama yatangaje impamvu yatumye ahobera umwamikazi w’Ubwongereza...

Umufasha w’uwahoze ari perezida wa USA,Ballack Obama,Michelle Obama yakoze...
15 November 2018 Yasuwe: 2534 0

Ruhango:Umugabo arakekwaho gutemagura nyina umubyara bapfa amasambu

Umugabo witwa Mujyarugamba Frederick w’imyaka 43 yatawe muri yombi na polisi...
15 November 2018 Yasuwe: 525 0

Umwicanyi yinjiye muri restaurant yica abantu 12 akomeretsa abandi...

Mu ijoro ryo kuri uyu wa Gatatu Taliki ya 07 Ugushyingo 2018,umwicanyi...
8 November 2018 Yasuwe: 1794 0

Umugore yafashwe ku ngufu n’umusinzi bahuriye mu bwiherero bwo mu...

Umunyamerikakazi witwa Aubrey Lane w’imyaka 32 yareze ubuyobozi bwa...
3 November 2018 Yasuwe: 2708 0

Ibyemezo by’ inama y’ abaminisitiri yo Ku wa 24 Ukwakira 2018

Ku wa gatatu, tariki ya 24 Ukwakira 2018, Inama y’Abaminisitiri yateranye...
25 October 2018 Yasuwe: 1901 0