Kigali
dnd

Paris: Umugabo w’imyaka 45 yicishije icyuma abapolisi yasanze ku biro byabo

Amakuru   Yanditswe na: Dusingizimana Remy 3 October 2019 Yasuwe: 3978

Umugabo witwaje icyuma yishe abapolisi bane kuri station ya polisi yo mu mujyi wa Paris nk’uko ibinyamakuru byo mu gihugu cy’Ubufaransa byabitangaje.



Uyu mugabo, utaratangazwa amazina, bivugwa ko ari umwe mu bakozi b’aho, nawe yarashwe na polisi arapfa.Polisi ntacyo iratangaza ku byabaye.

Aho byabereye mu gace kitwa île de la Cité hagati mu murwa mukuru Paris hahise hazitirwa.

Ubu bwicanyi bubaye nyuma y’umunsi umwe abapolisi batangiye imyigaragambyo mu gihugu hose bamagana urugomo bakorerwa no kutitabwaho na leta.

Ubu bwicanyi bwabaye ahagana saa munani ku isaha yo mu Burundi no mu Rwanda ku mbuga y’inyubako igipolisi gikoreramo.

Perezida Emmanuel Macron, minisitiri w’intebe Edouard Philippe na minisitiri w’ubutegetsi bw’igihugu Christophe Castaner bose bahise bajya aho byabereye.

Umuyobozi w’umujyi wa Paris Anne Hidalgo yanditse kuri Twitter ko "abantu benshi" bishwe muri ubu bwicanyi bwabereye hafi y’agace gasurwa cyane na Katedarali ya Notre-Dame.

Ibinyamakuru mu Bufaransa bivuga ko uwakoze ibi ari umugabo w’imyaka 45 wari umaze imyaka 20 akora mu buyobozi bwa ’station’ ya polisi i Paris.

Umwe mu bari hafi y’aho byabereye avuga ko "abapolisi biruhakaga impande n’impande bafite ubwoba" mu gihe ibi byabaga.

BFMTV ivuga ko uyu mugabo yishe ateye icyuma abantu babiri imbere mu biro, umuntu umwe mu nzira igana hanze n’uwa kane mu mbuga y’iyi nyubako ari naho nawe yarasiwe agapfa.

Amakuru avuga ko uyu mwicanyi yabanje gushwana n’umupolisi umwe hanze y’ibiro bya polisi ahita yinjira atera icyuma abantu benshi bari hafi ye,abagera kuri 4 barimo n’umupolisi w’umugore nibo bamaze gupfa,abandi bakomeretse.

Uyu mwicanyi bivugwa ko yari asanzwe akora muri ibi biro bya polisi ariyo mpamvu byamworoheye kwinjira atera bagenzi be icyuma.

Uyu mwicanyi yasabwe gushyira hasi icyuma n’umwe mu bapolisi bari bavuye mu karuhuko arabyanga niko kumurasa amasasu 2 mu cyico arapfa.


Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umujyi wa Kigali wiyemeje kutazongera kwimura abantu kubera ko batuye mu...

Ubuyobozi bw’Umujyi wa Kigali bwemeje ko nta muturage uzongera kwimurwa aho...
26 November 2019 Yasuwe: 7054 0

RIB yafatiye mu mukwabu ibicuruzwa bitemewe bifite agaciro ka miliyoni...

Urwego rw’igihugu rw’ubugenzacyaha, RIB,ruravuga ko Ibicuruzwa bitemewe...
11 November 2019 Yasuwe: 3664 0

Polisi y’igihugu igiye gutangira gufatira ibihano abantu bayihamagara...

Polisi y’u Rwanda yashyizeho imirongo itishyurwa yo gufasha Abanyarwanda...
11 November 2019 Yasuwe: 3506 0

Burundi: Abantu 80 barimo Abanyarwanda 10 bafatiwe mu mukwabu wakozwe na...

Abantu 80 barimo Abanyarwanda 10 batuye muri Komini Rugombo iherereye mu...
6 November 2019 Yasuwe: 6095 0

Umubyeyi wa Cristiano Ronaldo yashinje ubujura abatanga ibihembo...

Nyina wa Cristiano Ronaldo witwa Dolores Aveiro yabwiye abanyamakuru kuwa...
3 November 2019 Yasuwe: 2784 0

Nyarugenge: Meya yagiye kwirebera agatsiko kiswe “Abanyabutare” kamaze kubaka...

Umuyobozi w’akarere ka Nyarugenge madamu Kayisime Nzaramba yafashe umwanzuro...
2 November 2019 Yasuwe: 6956 0