startimes
Kigali
startimes

Perezida Kagame yasabye abacamanza kudasumbanya abantu imbere y’amategeko no kutavugirwamo

Amakuru   Yanditswe na: Dusingizimana Remy 18 April 2019 Yasuwe: 1771

Nyakubahwa Perezida wa Repubulika yasabye Abacamanza ndetse n’abayobozi ba gisirikare gufatatana uburemere indahiro barahiriye imbere ye ndetse no kunoza inshingano zabo hagendewe ku cyerekezo igihugu kiri kujyamo.


Sponsored Ad


Kuri uyu wa Kane Taliki ya 18 Mata 2019,nibwo Nyakubahwa perezida wa Repubulika,Paul Kagame yakiriye indahiro z’abayobozi batandukanye baherutse gushyirwa mu myanya,ahakorera inteko Ishinga Amategeko ku Kimihurura.

Abarahiye ni Abacamanza mu Rukiko rw’Ikirenga Rukundakuvuga François Regis na Hitiyaremye Alphonse hamwe na Tugireyezu Vénantie, umucamanza mu rukiko rw’ubujurire.

Harahiye kandi Umugaba w’Ingabo zirwanira ku butaka, Lt. Gen. Jean Jacques Mupenzi na Ndoriyobijya Emmanuel warahiriye kuba Umudepite usimbura Kanyamashuri Kabeya Janvier weguye mu ntangiriro za Werurwe.

Nyakubahwa Perezida wa Repubulika yabwiye abarahiye ko bagomba gushyira mu bikorwa ibyo barahiriye ndetse bagafatana uburemere imirimo bashinzwe n’ibisabwa kugira ngo bayuzuze.

Yagize ati “Birazwi ko dusaba buri munyarwanda cyane cyane abari mu nzego z’ubuyobozi guha umurimo agaciro ukwiriye.Uwo murimo bakawukorana ubushishozi,umurava n’aho bibaye ngombwa ubwitange.Buri wese uri hano azi aho tuvuye naho tugana,ndibwira ko icyifuzo cyacu ari ugukoraneza,ari ukwihuta tugaha umwanya ibyo byose dushinzwe kandi dukora.”

Perezida Kagame yasabye Abacamanza kubaha amabwiriza agenga akazi kabo ndetse bakirinda kuvugirwamo.

Yagize ati “Ku bacamanza, hari amahame y’umwuga yo murayazi kuturusha.Ayo mahame akwiriye kuba agenderwaho.Mu minsi ishize hari intambwe yagiye iterwa muri uwo mwuga ishimishije.

Niyo tuba twumva dukora neza,iteka usanga hari byinshi bidutegereje tugomba kunoza,ndifuza ko ariko byumvikana no mu bacamanza.Hari ubutabera,ubudakemwa,kudasumbanya abantu imbere y’mategeko,guca imanza mu gihe gikwiriye mu mucyo ndetse no kutavugirwamo.Ibi nibyo byaha icyizere abanyarwanda bose n’abandi batuye u Rwanda harimo n’abanyamahanga baba bafite ibyo bakora hano mu gihugu cyacu.

Kagame yavuze ko ibyo dukora byose biba biherekejwe n’umutekano ariyo mpamvu yasabye Abanyarwanda kurushaho kwicungira umutekano batabihariye gusa inzego zishinzwe umutekano ku buryo bw’umwihariko,anemera gutanga ubufasha igihe cyose bukenewe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble gatera

    Ku isi yose,abacamanza nyamwinshi barya ruswa.Gusa ku byerekeye Ruswa,mu Rwanda baragerageza kutayirya.Ikintu cyonyine kizazana ubutabera nyakuri,ni ubwami bw’Imana buzaza bugahindura ibintu byinshi,ndetse bugakura mu isi abantu bose bakora ibyo Imana itubuza nkuko bible ivuga.Niwo muti wonyine w’ibibazo byose isi ifite.

    April 2019

Inzindi nkuru

Ruhango: Abagizi ba nabi batemye imyaka y’uwarokotse Jenoside indi...

Mu ijoro ryo kuri uyu wa 06 rishyira uwa 07 Mata 2020, mu Mudugudu wa...
7 April 2020 Yasuwe: 8643 6

Niringiyimana wakoze umuhanda wa 7Km yakorewe urugomo na bamwe mu baturanyi...

Umunyarwanda witwa Niringiyimana Emmanuel wo mu murenge wa Murambi mu...
20 March 2020 Yasuwe: 12345 4

Video: Umunyamakuru Angeli Mutabaruka wa TV1 avuga ko ubuzima bwe buri mu...

Nyuma y’aho hari abibasiye Angeli Mutabaruka, umunyamakuru wa TV1 kur rubuga...
9 March 2020 Yasuwe: 39007 8

Uganda yashyize mu kato abanyamahanga bane bari bayinjiyemo ibakekaho...

Abanyamahanga bane bari binjiye muri Uganda bahawe akato mu bitaro bya...
2 March 2020 Yasuwe: 4966 0

#Umwiherero 2020: Nubwo Uganda idusaba gufungura imipaka niyo...

Perezida Kagame yavuze ko ikibazo cy’u Rwanda na Uganda cyakomejwe na Uganda...
16 February 2020 Yasuwe: 6361 1

Umugabo wa Senateri Mureshyankwano ari mu baguye mu mpanuka yabereye...

Umugabo wa Senateri Mureshyankwano Marie Rose witwa Ngendahayo Edouard ari...
13 February 2020 Yasuwe: 18962 4