Kigali
startimes

Perezida Tshisekedi yanze umukandida Kabila yashakaga ko aba Minisitiri w’Intebe

Amakuru   Yanditswe na: Dusingizimana Remy 10 April 2019 Yasuwe: 4099

Perezida wa RDC,Felix Tshisekedi yatesheje agaciro icyifuzo cya Joseph Kabila,wifuzaga ko Albert Yuma Mulimbi aba Minisitiri w’intebe wa Guverinoma nshya iri hafi gushyirwaho.



Kubera ko impuzamashyirahamwe ya FCC iyobowe na Kabila ariyo yabonye amajwi menshi mu nteko ishinga amategeko,Kabila niwe ugomba gutanga umukandida ugomba kuba Minisitiri w’intebe gusa uwo yatanze yanzwe na Tshisekedi.

Ababikurikiraniye hafi babwiye ibiro ntaramakuru Reuters ko Joseph Kabila wahoze ari Perezida wa Repubulika ya Demokarasi ya Kongo yashakaga ko Perezida Félix Tshisekedi w’iki gihugu agira Albert Yuma Mulimbi minisitiri w’intebe, ariko Bwana Tshisekedi yamukuriye inzira ku murima.

Yuma ni inshuti ya Joseph Kabila wategetse RDC imyaka 18, akaba n’umukuru wa sosiyete y’igihugu yo gucukura amabuye y’agaciro ya Gecamines.

Bwana Yuma yashyigikiye itegeko rishya rijyanye n’ubucukuzi bw’amabuye y’agaciro ryatangiye gukurikizwa mu mwaka ushize wa 2018 ku butegetsi bwa Bwana Kabila, ryongereye imisoro ku masosiyete acukura amabuye y’agaciro muri Kongo.

Tshisekedi ntabwo arashyiraho minisitiri w’intebe. Bijyanye n’ibiteganywa n’itegekonshinga rya Kongo, uwo azagena nka minisitiri w’intebe agomba kuva mu rugaga rwa Bwana Kabila rwa Front Commun pour le Congo (FCC) rufite ubwiganze mu nteko ishingamategeko, nyuma y’ibiganiro na FCC.

Umuntu ukorana bya hafi n’ibiro bya perezida wa Kongo, yabwiye Reuters ko mu byumweru bishize Kabila yasabye Tshisekedi ko yagira Yuma minisitiri w’intebe, gusa arabyanga avuga ko uwo yifuza afite isura mbi mu ruhando rw’amahanga.

Yagize ati: "Perezida yabwiye Kabila ko Yuma atari mu bo yahitamo, ko afite inenge".

Tshisekedi yabwiye Kabila ko imikoranire yabo izakomeza ndetse agomba guhitamo umuntu umwe muri 3 yahawe na Kabila ngo azatoranyemo Minisitiri w’intebe barimo Bwana Yuma, minisitiri w’imari Henri Yav Mulang na Jean Mbuyu Luyongola, umujyanama wa Kabila mu bijyanye n’umutekano w’igihugu.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ruhango: Abagizi ba nabi batemye imyaka y’uwarokotse Jenoside indi...

Mu ijoro ryo kuri uyu wa 06 rishyira uwa 07 Mata 2020, mu Mudugudu wa...
7 April 2020 Yasuwe: 8200 6

Niringiyimana wakoze umuhanda wa 7Km yakorewe urugomo na bamwe mu baturanyi...

Umunyarwanda witwa Niringiyimana Emmanuel wo mu murenge wa Murambi mu...
20 March 2020 Yasuwe: 11652 4

Video: Umunyamakuru Angeli Mutabaruka wa TV1 avuga ko ubuzima bwe buri mu...

Nyuma y’aho hari abibasiye Angeli Mutabaruka, umunyamakuru wa TV1 kur rubuga...
9 March 2020 Yasuwe: 36164 8

Uganda yashyize mu kato abanyamahanga bane bari bayinjiyemo ibakekaho...

Abanyamahanga bane bari binjiye muri Uganda bahawe akato mu bitaro bya...
2 March 2020 Yasuwe: 4866 0

#Umwiherero 2020: Nubwo Uganda idusaba gufungura imipaka niyo...

Perezida Kagame yavuze ko ikibazo cy’u Rwanda na Uganda cyakomejwe na Uganda...
16 February 2020 Yasuwe: 6199 1

Umugabo wa Senateri Mureshyankwano ari mu baguye mu mpanuka yabereye...

Umugabo wa Senateri Mureshyankwano Marie Rose witwa Ngendahayo Edouard ari...
13 February 2020 Yasuwe: 18713 4