skol
fortebet

RDC: Umugore n’umwana we bakize indwara ya Ebola beretswe abanyamakuru I Goma

Yanditswe: Tuesday 13, Aug 2019

Sponsored Ad

Umugore witwa Espérance n’umwana we Eben-Ezer utaruzuza imyaka ibiri na nyina bari bamaze iminsi bavurirwa mu kigo cyagenewe kwita ku bafashwe n’abakekwaho iki cyorezo i Goma,beretswe itangazamakuru ko bakize icyorezo cya Ebola ndetse bahita barekurwa barataha.

Sponsored Ad

Uyu mugore n’umwana we berekanywe mu kiganiro n’abanyamakuru nk’abantu bakize Ebola bakijijwe n’imiti iri mu igeragezwa mu gitondo cyo kuri uyu wa Kabiri taliki ya 13 Kanama 2019.Uyu muhango wakozwe n’abashinzwe ubuzima muri Congo hamwe n’ishami ry’umuryango w’abibumbye ryita ku buzima.

Uyu mugore n’umwana we, ni babiri mu bantu bane bafashwe na Ebola mu mujyi wa Goma mu minsi ishize gusa babiri bandi yarabahitanye.

Mubo yahitanye harimo umugabo we,wabaye umuntu wa kabiri basanzemo Ebola mu mujyi wa Goma.

Iyi nkuru yashimishije benshi mu batuye aka karere aho bamwe bagaragaje ibyishimo byabo ku mbuga nkoranyambaga.

Iyi ni inkuru nziza ku bakozi bo mu nzego z’ubuzima n’inkuru nziza ku baturage b’imijyi ya Goma na Gisenyi mu Rwanda,itakigenderanira nk’ibisanzwe kubera ubwoba bw’iyi ndwara.

Uyu munsi abahanga muri siyansi bemeje ko hari imiti ine yageragejwe ku barwayi muri Repubulika ya Demokarasi ya Congo igaragaza ubushobozi bwo kubakiza.

Dr Sabue Mulangu inzobere muri Ebola, yabwiye BBC ko aba bombi ubu bashobora gusubira mu miryango yabo kuko bakize neza.

Dr Mulangu avuga ko ku bantu 681 bakoreweho igeragezwa ry’iyi miti ya Ebola 60% bari kuyikira.

Iyi ndwara y’icyorezo imaze guhitana abantu barenga 1800 mu burasirazuba bwa Congo kuva yakwaduka muri Kanama umwaka ushize.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa