Kigali

Rubavu : Umugore afunzwe azira gukata igitsina cy’umugabo we n’urwembe

Amakuru   Yanditswe na: Dusingizimana Remy 29 November 2018 Yasuwe: 2512

Umugore ukomoka mu Karere ka Rubavu, ari mu maboko y’Ubugenzacyaha kuva ku wa Kabiri w’iki cyumweru, akurikiranweho gukata igitsina cy’umugabo we akoresheje urwembe, ariko ku bw’amahirwe ntigicike.

Uyu mugore utuye mu Kagari ka Burushya mu Murenge wa Nyamyumba,yashinjwe n’abaturanyi be guhohotera umugabo we inshuro nyinshi ndetse ngo rimwe yashatse kumutera icyuma.

Umunyamabanga Nshingwabikorwa w’Akagari ka Burushya, Uwimana Eustache yabwiye Igihe dukesha iyi nkuru ko uyu mugore yari yarananiranye none byarangiye aciye igitsina umugabo we.

Yagize ati “Bari basanzwe bafitanye amakimbirane ku buryo uyu mugore yararanaga icyuma, hari n’ubwo bamufunze aza kurekurwa. Ejo rero bari baraye bashwanye ni uko umugabo arimo kwambara umugore ahita aza afata igitsina cy’umugabo arakata ariko kubw’amahirwe nticyavaho.”

Umuvugizi w’Urwego rw’Igihugu rw’Ubugenzacyaha, Mbabazi Modeste, yabwiye IGIHE ko uyu mugore yakomerekeje umugabo we ku gitsina ubwo barwanaga bapfa amakimbirane basanganywe yo mu rugo.

Yakomeje agira ati “Turasaba abaturage kumenyekanisha ibibazo by’amakimbirane nk’aya kuko baba basanzwe babizi ntibabivuge kandi bishobora kuvamo impfu za hato na hato kandi zishobora gukumirwa.”

Uwo mugabo yajyanywe kuvurizwa ku bitaro ba Gisenyi mu Karere ka Rubavu mu gihe uyu mugore we afungiye kuri sitasiyo ya polisi ya Gisenyi.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abayoboke ba Martin Fayulu bamutengushye bikomeye ku munsi wa mbere...

Ku munsi wa’ejo Taliki ya 21 Mutarama 2019,nibwo abayoboke ba Martin Fayulu...
22 January 2019 Yasuwe: 3288 0

Rwamagana: Ikirombe cyahitanye abantu 14 bacukuraga amabuye...

Mu Murenge wa Mwurire mu Karere ka Rwamagana,Ikirombe gicukurwamo amabuye...
21 January 2019 Yasuwe: 1154 0

Felix Tshisekedi yemejwe bidasubirwaho ko ariwe perezida mushya wa...

Urukiko rwigenga rurinda itegeko Nshinga rwatangaje ko Felix Tshisekedi...
20 January 2019 Yasuwe: 2673 1

Perezida Museveni arashinjwa kugira uruhare runini mu kwica amatora yo...

Perezida wa Uganda Yoweli Kaguta Museveni arashinjwa na bamwe mu...
17 January 2019 Yasuwe: 6472 0

Kamonyi:Coaster yagonganye n’ikamyo ya RAB bamwe mu bagenzi bahasiga...

Kuri uyu wa Kane,Taliki ya 17 Mutarama 2019, mu karere ka Kamonyi ahazwi...
17 January 2019 Yasuwe: 10340 2

Al Shabab yavuze ko Trump ariwe watumye bagaba igitero muri...

Umutwe w’iterabwoba wa Al Shabab watangaje ko wahisemo kugaba igitero kuri...
17 January 2019 Yasuwe: 3843 1