Kigali

Rubavu:Umukobwa yishe umwana yari atwite arangije amuta mu musarane

Amakuru   Yanditswe na: Dusingizimana Remy 4 March 2019 Yasuwe: 2530

Umukobwa wo mu karere ka Rubavu utatangajwe amazina, yakuyemo inda, umwana amuta mu musarane nyuma yo kwihakanwa n’umusore wamuteye inda.

Uyu mukobwa wari warabyariye iwabo umwana wa mbere uri mu kigero cy’imyaka 3,yakuyemo inda y’ uyu mwanawe wa kabiri, arangije amuta mu musarane, ku gicamunsicyo kuwa Gatandatu tariki 02 Werurwe 2019, ahagana saa saba z’amanywa.

Mu gitondo cyo kuri iki Cyumweru tariki 03 Werurwe 2019 nibwo abajyanama b’ ubuzima bakurikiranaga itwita ry’ uyu mukobwa batahuye ko yaba yakuyemo inda yari ifite amezi agera kuri anebabajije uyu mukobwa aho inda ye yagiye,ababwira ko umwana yamutaye mu musarane,bategeka ko akurwamo.

Uyu mukobwa yemeye ko yakuyemo inda, avuga ko yabikoze kuwa Gatandatu saa saba abitewe n’ uko yabibwiye uwayimuteye akamubwira ko atazigera amufasha. Anitha yavuze ko yafashe icyemezo cyo gukuramo iyi nda kuko yabonaga adafite amikoro yo kuzarera abana babiri.

Uwampayizina Marie Grace, Umuyobozi w’ Akarere wungirije ushinzwe imibereho y’ Abaturage mu karere ka Rubavu yabwiye UKWEZI dukesha iyi nkuru ko uyu mukobwa ari kwitabwaho n’ abaganga kuko yari yagize ikibazo cyo gutakaza amaraso menshi. Ngo nyuma yo kuvurwa nibwo azakurikiranwa n’ ubutabera ku cyaha cyo gukuramo inda.

Ku byo uyu mukobwa yavuze ko kwihekura yabitewe no kuba uwamuteye inda yaramwihakanye, Visi Meya Uwampayizina yavuze ko uyu mukobwa yafashe icyemezo kidakwiye.

Yagize ati “Mu by’ ukuri uretse ko uyu mukobwa yihuse akumva gukuramo inda ari cyo gisubizo, ariko icyo ntabwo aricyo gisubizo yakagombye kuba afata.

Yakagombye gushyira hasi uwo muziranenge undi agasigara akurikiranwa, kuko nk’ ubu aho bigeze aha ngaha biragoye gupima ADN, gusa abaganga badufashe twumve niba icyo kintu gishoboka kuko kugira ngo umuntu amwemeze ko ariwe wayimuteye ntabwo byoroshye.”

Visi Meya Uwampayizina agira abakobwa inama yo kwirinda gusambana, cyangwa bagakoresha agakingirizo kuko umukobwa ashobora no kudasama ariko akanduzwa indwara zandurira mu mibonano mpuzabitsina.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble mazina

    Ngizo ingaruka z’ubusambanyi.Nyamara abikorana n’uwamuteye inda,bavugaga ko "bali mu rukundo".
    Mu byukuri iyo ukora ibyo Imana ikubuza,ntabwo ugira amahoro.Ikibi kurenzaho,nuko bizakubuza kubona ubuzima bw’iteka.Tugomba gutinya Imana yaturemye.Nibwo buzima nyakuri.

    2 months ago

Inzindi nkuru

Kizito Mihigo yavuze kuri Sankara wamushoye mu byaha byatumye...

Umuhanzi Kizito mihigo yavuze ko atandukanye cyane na Nsabimana Callixte...
24 May 2019 Yasuwe: 4655 0

Besigye yatangaje impamvu ikomeye atifashisha intwaro mu guhirika...

Umunyapolitiki Kiiza Besigye umaze imyaka myinshi ahangana n’ubutegetsi bwa...
23 May 2019 Yasuwe: 1998 0

Umunyamategeko ukomeye muri US yakubise umugore we amuziza gutinda gukuramo...

Umunyamategeko wo muri leta ya Mississippi witwa Douglas McLeod yakubise...
23 May 2019 Yasuwe: 3018 1

Ubuhinde: Inzovu yishe umugabo wayiteye amabuye ubwo yarimo...

Umugabo witwa Shailen Mahato w’imyaka 27 ukomoka mu Buhinde yahuye n’uruva...
18 May 2019 Yasuwe: 4576 1

TAS2019: Robot ya "Sophia" yatunguye abantu mu kiganiro yagiranye na...

Robot ya Sophia yongeye gususurutsa abitabiriye umunsi wa 3 wa Transform...
16 May 2019 Yasuwe: 4718 1

Leta y’Uburundi yafatiriye imitungo y’abashinjwa gushaka guhirika perezida...

Kuri uyu wa Gatatu nibwo mu Burundi hasohotse urwandiko rwemeza ko Leta ya...
16 May 2019 Yasuwe: 1978 0