Kigali

Rulindo: Imodoka ya FUSO yibirinduye ihitana abantu 2

Amakuru   Yanditswe na: Dusingizimana Remy 7 May 2019 Yasuwe: 4354

Mu rukerera rwo kuri uyu wa Kabiri taliki ya 07 Gicurasi 2019, saa kumi n’iminota 20, abantu babiri baguye mu mpanuka ikomeye y’imodoka mu Karere ka Rulindo mu Murenge wa Cyungo.

Iyi modoka ya Fuso yari iturutse i Nyagatare ijyanye inyanya mu Karere ka Rubavu, yakoreye impanuka mu muhanda mushya wa Base – Nyagatare uri gushyirwamo kaburimbo,iribirindura bituma abantu 2 muri 4 bahasiga ubuzima.

Umusigire w’Umunyamabanga Nshingwabikorwa w’Umurenge wa Cyungo,Sebatware André, yabwiye IGIHE dukesha iyi nkuru, ko mu bantu bane bari muri iyi modoka,babiri aribo bapfuye.

Yagize ati “Iyo modoka yageze mu mudugudu wa Sakara, igira impanuka ikubita umukingo w’umuhanda igwa mu muhanda hagati. Harimo abantu bane, abandi babiri barakomereka bajyanwa mu bitaro.”

Muri iri koni iyi mpanuka yabereyemo haherutse kubera indi mpanuka yahitanye umusore w’imyaka 19 wari utwaye igare.

Sebatware yakomeje atangaza ko ahabereye iyi mpanuka ari ahantu habi ku buryo hatagize igikorwa hazabera n’izindi mu bihe biri imbere.

Uyu muhanda uturuka i Gicumbi mu Mujyi werekeza kuri Base, uri gushyirwamo kaburimbo izahura n’uva Rubavu werekeza i Kigali ahitwa kuri Base.

Imirimo igeze kure ndetse harabura ibilometero birenga gato ku icumi kugira ngo usozwe.

Source:IGIHE

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

GICUMBI: Inzu Igwiriye abantu bagera kuri 15[AMAFOTO]

Mu masaha yo kuri iki gicamunsi cyo kuri uyu wa gatandatu tariki 13...
13 July 2019 Yasuwe: 9844 1

RDC: Ingabo za FARDC zisubije uduce 4 twari twarigaruriwe n’inyeshyamba

Ingabo za RDC zisigaye zifite imbaraga zidasanzwe, zarashe inyeshyamba zo...
13 July 2019 Yasuwe: 2450 0

Abasore 3 bafashwe bari gushaka kwiba imashini za Positivo mu kigo cya...

Abasore 3 bafashwe bari mu kigo cy’amashuli cya Groupe Scolaire Maya...
8 July 2019 Yasuwe: 2362 0

ICC yahamije Ntaganda ibyaha 18 birimo ubwicanyi no gufata ku...

Urukiko mpuzamahanga mpanabyaha,ICC, rwahamije Bosco Ntaganda ibyaha 18...
8 July 2019 Yasuwe: 1076 0

Umugore yababaje benshi kubera amafoto agaragaza uburyo yahohotewe bikabije...

Umugore witwa Jenna Hurley yavuze ko yagize ubwoba bwinshi ko agiye gusiga...
6 July 2019 Yasuwe: 4601 1

Gakenke: Umukobwa arashinja Gitifu kumufata ku ngufu anamutera...

Umukobwa ukomoka mu murenge wa Mugunga mu karere ka Gakenke, arashinja...
6 July 2019 Yasuwe: 2803 1