Kigali

Rwamagana: Ikirombe cyahitanye abantu 14 bacukuraga amabuye y’agaciro

Amakuru   Yanditswe na: Dusingizimana Remy 21 January 2019 Yasuwe: 1408

Mu Murenge wa Mwurire mu Karere ka Rwamagana,Ikirombe gicukurwamo amabuye y’agacio, cyagwiriye abacukuzi 14 barimo abagabo barindwi n’abagore barindwi, bose bitaba Imana.

Ahagana saa mbili za mu gitondo,nibwo iki kirombe cyagwiriye abantu barimo bacukura amabuye y’agaciro maze abagera kuri 14 bose bahasiga ubuzima.

Abayobozi mu nzego zitandukanye barimo Guverineri w’Intara y’Iburasirazuba, Mufulukye Fred, Umuyobozi wa Polisi, IGP Dan Munyuza, Umuyobozi w’Akarere ka Rwamagana n’abandi bahise bajya gutanga ubutabazi ngo imibiri y’abagwiriwe n’ikirombe iboneke.

Abagwiriwe n’ikirombe bose bakoreraga Ikigo kitwa ‘PIRAN Resources Limited’ gikorera ubucukuzi bw’amabuye y’agaciro mu Mirenge ya Musha na Mwurire yose yo mu Karere ka Rwamagana.

Umuyobozi w’Akarere ka Rwamagana, Mbonyumuvunyi Radjab yabwiye IGIHE dukesha iyi nkuru ko abantu 14 bagwiriwe n’iki kirombe,nyuma y’uko nacyo cyagwiriwe n’undi musozi urabatwikira.

Umuyobozi w’Intara y’Iburasirazuba, Mufulukye Fred, yavuze ko urupfu rw’aba bakozi rwatewe n’impanuka.

Yagize ati “Bagiye gucukura bisanzwe mu rwego rw’akazi, amakuru dufite kugeza ubu nuko urupfu rwabo rwatewe n’impanuka kuko ikirombe cyaridutse barimo imbere igitaka kububararaho”.

Minyati Tristan uhagarariye mu mategeko kompanyi icukura amabuye y’agaciro muri uyu murenge yitwa PIRAN, yabwiye IGIHE ko bihanganishije imiryango y’ababuze ababo.

Yagize ati"Ubusanzwe aho ducukura kuva mu gihe cy’Ababiligi haracukurwaga, ikindi ntabwo bacukuraga bajya ikuzimu bacukuraga ahantu hasanzwe, ni impanuka yabaye umusozi wari uri ku ruhande uramanuka ugwira aho bacukuraga.

Twihanganishije imiryango y’ababuze ababo kandi nk’abakozi bacu tuzakora ibishoboka byose bashyingurwe neza kandi aha hantu ntabwo tuzongera kuhacukura hatabanje gukorwa ubugenzuzi ngo hamenywe icyateye iyi mpanuka."

Nta muntu wabashije kurokoka kuko aba bantu bose uko ari 14 bakuwe muri iki kirombe bitabye Imana.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ikamyo yagwiriye abantu barimo abanyeshuli bari bavuye ku ishuli I Huye...

Abanyeshuli bagwiriwe n’ikamyo yaguye mu ikorosi ry’I Huye bituma abagera...
14 February 2019 Yasuwe: 4268 1

Urukiko rwamanuye mu mapeti abapolisi bananiwe kurinda imodoka ya...

Urukiko rushinzwe Imyitwarire y’Abapolisi rwo mu gace ka Arua muri Uganda...
14 February 2019 Yasuwe: 2218 0

Felix Tshisekedi yiyemeje gukurikirana ikibazo cy’impunzi z’Abanyamulenge

Perezida mushya wa RDC,Felix Tshisekedi yabwiye Abanyamulenge bari mu...
13 February 2019 Yasuwe: 4867 1

Kaminuza y’u Rwanda yakoze impinduka zidasanzwe zirimo no kwirukana bamwe mu...

Kaminuza y’u Rwanda yakoze impinduka zikomeye zatumye abakozi bagera kuri 20...
11 February 2019 Yasuwe: 2909 0

Kisangani:Abanyeshuli bigaragambije bangiza imitungo y’abarimu...

Abanyeshuli bo muri Kaminuza ya Kisangani (UNIKIS) yo muri RDC,bateye aho...
11 February 2019 Yasuwe: 1638 0

Bujumbura: Abantu 3 biciwe umunsi umwe n’abantu bataramenyekana

Kuwa Gatandatu taliki ya 09 Gashyantare 2019,abashinzwe umutekano mu...
11 February 2019 Yasuwe: 1222 0