Kompanyi y’ u Rwanda y’indege zitwara abagenzi,Rwandair yatangaje ko urugendo Kigali –London inyuze Brussels rwahagaritswe kuri uyu wa Gatandatu tariki 22 Kamena 2019 ndetse n’ urwari kuvayo ruza mu Rwanda rwakuweho kubera ibibazo bya tekinike itatangaje neza.

Sponsored Ad

Mu butumwa yashyize ku rubuga rwayo rwa Twitter, Rwandair yatangaje ko kubera ikibazo cya tekinike byatewe cy’ indege yiseguye ku bagenzi n’abandi bantu biragiraho ingaruka.

Yagize ati “Tubabajwe no kubamenyesha ko urugendo WB700 rwari kuva Kigali rwerekeza London Gatwick runyuze Brussels ruhagaritswe kubera ikibazo cya tekinite mu ndege. Urugendo rugaruka WB701 narwo rurasubitswe. Abo byagizeho ingaruka baracumbikirwa cyangwa bazahabwe itike mu rugendo rutaha”.

RwandAir yaherukaga gusubika urugendo mu ntangiriro za Werurwe uyu mwaka, bitewe n’imyigaragambyo yarimo kuba ku kibuga cy’indege cya JKIA.