Sudani y’Epfo: Abasirikari 150 bamaze kugwa mu mirwano

10 July 2016. | Amakuru | 0 Ibitekerezo | Tomy Clement Umuhoza
  • Sudani y’Epfo: Abasirikari 150 bamaze kugwa mu mirwano

Muri Sudani y’Epfo anbasirikare babarirwa mu 150 nibo bamaze kugwa mu mirwanou mirwano y’ingabo za Salva Kiir n’iza Machar.

Amakuru atangazwa na Chimpreports aravuga ko uyu munsi ku wa gatandatu italiki ya 9 Nyakanga, abasirikare 150 aribo bamaze kugwa mu mirwano yahuje ingabo za Sudani y’epfo n’izirwanya ubutegetsi muri Sudani y’epfo ziyobowe na Riek Machar.

Iyi mirwano yatangiye ku wa kane nimugoroba, ibera ahitwa Gudele, ikaba yarahitanye abasirikare babarirwa muri bane bo ku ruhande rwa Perezida Salva Kiir.

Indi mirwano yongeye kubura ku mugoroba wo kuwa gatanu, ibera ku ngoro ya Perezida Kiir , ari nayo yaguyemo abasirikare benshi kuva habaho ubushyamirane hagati y’aba bagabo bombi.iyi yo ibarirwa mu yaguyemo abasirikare benshi mu mateka y’ubushyamirane bw’aba bagabo bombi.

Perezida Salva Kiir na mucyeba we Riek Machar batangariza abaturage ko batazi inkomoko y’imirwano y’ingabo zabo

Chimpreports ikomeza iyangaza ko abasirikare bakomeretse n’abapfuye bagera kuri 37 bo ku ruhande rwa Riek Machar bashyizwe mu gikamyo bakajyanwa ahantu hatazwi, naho ku ruhande rwa Perezida Kiir ho abasirikare 109 nibo bamaze kugwa mu mirwano.

Igitangaje muko Perezida Kiir na Riek Machar bavuga ko batazi iby’iyo mirwano
Imirambo y’abasirikare ba Salva Kiir yo ngo yerekejwe mu buruhukiro bw’ibitaro bya kaminuza bya Juba mu ijoro ryashize.

Kugeza ubu Salva Kiir na mugenzi we Machar barahakana uruhare rwabo muri iyo mirwano, bakaba baratangarije itangazamakuru ko batigeze bamenya icyaba cyarateye iyo mirwano.

Kugeza ubu Perezida Kiir yashinze iperereza ryimbitse Minisitiri w’Umutekano w’Imbere mu gihugu Lt. Gen. Lado Gore, ngo hamenyekane imvano y’iyo mirwano.
.

Tanga Igitekerezo