Kigali

Uburundi bwiyemeje guhangana na AU yafashe umwanzuro wo kugabanya ingabo zabwo ziri muri Somalia

Amakuru   Yanditswe na: Dusingizimana Remy 23 February 2019 Yasuwe: 3807

Igihugu cy’Uburundi cyababajwe n’umwanzuro w’Umuryango wa Afrika yunze ubumwe wo kugabanya ingabo 1000 z’Abarundi ziri muri Somalia mu butumwa bwa AMISOM aho bwafashe umwanzuro ko bugiye gukura ingabo zabwo zose muri iki gihugu aho kuzigabanya.

Uburundi bwavuze ko butakwemera ko ingabo zabwo zisigara muri Somalia ari nkeya,ariyo mpamvu bwafashe umwanzuro wo gukanga AU ko bugiye kuzikurayo zose, Somalia ikirwanaho.

Umuryango w’Abibumbye ndetse na Afurika yunze ubumwe bafashe umwanzuro wo kugabanya ingabo zisaga ibihumbi 20 zibumbiye muri AMISOM muri 2017,ariyo mpamvu Uburundi bwamenyeshejwe ko bugomba kugabanya ingabo 1000 mu ngabo zisaga ibihumbi 5400 bufite muri iki gihugu.

AU yavuze ko muri Somalia umutekano utangiye kugaruka ndetse hari ingabo za Somalia zatojwe na UN zikeneye guhabwa umwanya ngo zishyire mu bikorwa ibyo zize ariyo mpamvu ibihugu bifite ingabo muri AMISOM byategetswe kuzigabanya.

Abaminisitiri ndetse n’abagize inteko ishinga amategeko mu Burundi bashyigikiye igitekerezo cyo kuvana ingabo zose bafite muri Somalia aho bavuze ko ari agasuzuguro gusabwa kugabanya izi ngabo.

Kuwa kane w’iki cyumweru,umukuru wa SENA mu Burundi, Reverien Ndikuriyo yavuze ko kugabanya aba basirikare benshi muri Somalia byatuma bagenzi babo basigayeyo bahura n’ibibazo ariyo mpamvu bashaka kubakurayo bose.

AMISOM ivuga ko Uburundi aricyo gihugu cya kabiri gifite ingabo nyinshi muri Somalia nyuma ya Uganda ifiteyo ibihumbi 6,200.Ibindi bihugu bifite abasirikare muri Somalia ni Ethiopia, Djibouti, na Kenya.

Kuwa kane w’iki cyumweru nibwo Uburundi bwagombaga gukura abasirikare 200 muri Somalia,abasigaye kugira ngo umubare 1000 wuzure bakajya bavayo mu byiciro.

Uburundi bwababajwe ni uko bugiye guhomba amafaranga bwakuraga muri AMISOM,kuko yishyura umusirikare umwe w’Uburundi akayabo k’amafaranga 1,028 cy’amadolari ya US ku kwezi, angana na miliyoni 3 z’amafaranga y’Uburundi hanyuma Leta igakataho amadolari 200 kuri buri umwe.Aba basirikare bari bameze nk’isoko y’amadovize.

Uburundi bwinjizaga akayabo ka miliyoni zisaga 3 z’Amadolari ya USA buri kwezi,bwakuraga ku mishahara AMISOM ihemba Abasirikare babwo.Bumaze gutakaza abasirikare barenga 1000 baguye mu mirwano yo gucungira Somalia umutekano.

Uburundi bwavuze ko igitekerezo cyo kugabanya ingabo z’Abarundi muri Somalia ari akagambane k’u Rwanda na Pierre Buyoya wahoze ayobora iki gihugu.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble sezikeye

    Nkurunziza ararangiye!!Ingabo yari afite muli Somalia niho yakuraga ama devises (US Dollars).Ndiwe nareka politike ngafata bibiliya, nkigana abayehova,nkajya mu nzira nkabwiriza ijambo ry’imana.Njya numva yiyita ngo ni umurokore.Politike ntijyana n’uburokore.
    Kubera ko muli politike haberamo ibintu byinshi bibi.Ubu se yahakana ko atariwe ukuriye Imbonerakure zamaze abantu zibica mu Burundi?Niba ashaka kuba umukristu wuzuye,nave muli politike.

    4 months ago

Inzindi nkuru

Bugesera :Imodoka ya FUSO yagonze umwana wari uvuye ku ishuli ahasiga...

Umwana muto wigaga mu mwaka wa mbere w’amashuli abanza wari uvuye ku...
15 July 2019 Yasuwe: 3111 2

GICUMBI: Inzu Igwiriye abantu bagera kuri 15[AMAFOTO]

Mu masaha yo kuri iki gicamunsi cyo kuri uyu wa gatandatu tariki 13...
13 July 2019 Yasuwe: 10322 1

RDC: Ingabo za FARDC zisubije uduce 4 twari twarigaruriwe n’inyeshyamba

Ingabo za RDC zisigaye zifite imbaraga zidasanzwe, zarashe inyeshyamba zo...
13 July 2019 Yasuwe: 2654 0

Abasore 3 bafashwe bari gushaka kwiba imashini za Positivo mu kigo cya...

Abasore 3 bafashwe bari mu kigo cy’amashuli cya Groupe Scolaire Maya...
8 July 2019 Yasuwe: 2567 1

ICC yahamije Ntaganda ibyaha 18 birimo ubwicanyi no gufata ku...

Urukiko mpuzamahanga mpanabyaha,ICC, rwahamije Bosco Ntaganda ibyaha 18...
8 July 2019 Yasuwe: 1121 0

Umugore yababaje benshi kubera amafoto agaragaza uburyo yahohotewe bikabije...

Umugore witwa Jenna Hurley yavuze ko yagize ubwoba bwinshi ko agiye gusiga...
6 July 2019 Yasuwe: 4713 1