Kigali

Umugabo yishe umugore we kugira ngo yishakire undi umufasha kwishyura ideni

Amakuru   Yanditswe na: Dusingizimana Remy 16 January 2019 Yasuwe: 3295

Umugabo witwa Habiyakare w’ imyaka 21 ukomoka mu murenge wa Nduba, akarere ka Gasabo mu mujyi wa Kigali, yatawe muri yombi azira kwica umugore we bari bamaranye ibyumweru bibiri babana kugira ngo asubirane n’ umugore bari baratandukanye amwishyurire amadeni.

Tariki 7 Mutarama 2019 nibwo umugore w’uyu mugabo witwa Uwamahoro Claudette yaburiwe irengero, abaturanyi bamubaza aho yagiye abasubiza ko yagiye iwabo, ubundi ngo yagiye mu kazi ubundi agaceceka nk’ uko Umunyamabanga Nshingwabikorwa w’ umusigire mu murenge wa Nduba Harerimana Jean Damascene yabitangarije UKWEZI dukesha iyi nkuru.

Yagize ati “Yari amaranye n’ umugore we ibyumweru bibiri. Ku itariki 7 z’ ukwa mbere nibwo yavuze ko uwo mugore batari kumwe, byageze aho uwo mugore abaturage baza kumubura. Muri kwa kubaza ngo uwo muntu yagiye hehe akajya avuga ngo yagiye iwabo, ubundi ngo yagiye mu kazi, ubundi agaceceka akajya arya indimi”

Tariki 10 Mutarama nibwo inzego z’ umutekano zatangiye iperereza kuri iki kibazo. Ku itariki 14 Mutarama nibwo inzego z’ umutekano zabonye matera iriho amaraso, ariko ahagiye hagwa amaraso hapfuraguye.

Tariki 15 Mutarama saa moya za mu gitondo inzego z’ umutekano n’ inzego z’ ibanze nibwo batangiye gushakisha ko babona umurambo kuko bari baraye babonye ikimenyetso cy’ uko Claudette wari ufite imyaka 20 yishwe.

Harerimana yavuze ko abantu babonye ahantu hari icyobo, kirimo ibishingwe, hari amasazi n’ umunuko barahacukura basanga harimo amakoma n’umurambo w’ uwo mudamu.

Umurambo wahise ujyanwa mu bitaro bya Kacyiru, naho batanu bakekwaho uruhare mu rupfu rwa Claudette batabwa muri yombi.

Abaturanyi ba Habiyakare bavuga ko uyu mugabo yari afite amadeni abereyemo abaturage na banki akaba yarishe uyu Claudette ngo asubirane n’ umugore wa kabiri bari baratandukanye amufashe kwishyura ayo madeni.

Claudette yari umugore wa gatatu kuko Habiyakare w’ imyaka 21 yashatse Claudette amaze gutandukana n’ abagore babiri.
.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble mahoro jack

    Uyu mutindi w’umwicanyi ngo ku myaka 20 yonyine amaze gushaka abagore batatu?!!! Ariko abagore bubu nabo ntibatoranya!

    17 January

Inzindi nkuru

Umugabo yatawe muri yombi azira kurunguruka no gufata mu ibanga amashusho...

Umugabo ukomoka I Madrid muri Espanye yatawe muri yombi acyekwaho...
22 August 2019 Yasuwe: 3291 1

Minisitiri Nduhungirehe yasabye Abanyarwanda kuba baretse gusubira muri...

Umunyamabanga wa Leta muri Minisiteri y’Ububanyi n’Amahanga y’u Rwanda, Amb....
22 August 2019 Yasuwe: 3625 0

Uburundi burashinja Abanyarwanda kwiba no kwiyitirira ingoma...

Minisiteri y’umuco n’imikino mu Burundi ivuga ko hari itsinda ry’abantu...
22 August 2019 Yasuwe: 2449 0

Umugore arakekwaho kwica umugabo we ajya kumuta mu ivatiri I...

RIB yataye muri yombi abakekwaho kwica wa mugabo umurambo we wasanzwe mu...
20 August 2019 Yasuwe: 4734 2

Perezida Kagame na Museveni bagiye kongera guhurira muri Angola muri iki...

Kuwa 21 Kanama 2019,Perezida Kagame na Yoweli Kaguta Museveni bazahurira I...
19 August 2019 Yasuwe: 2074 2

Misiri: Umugabo yasohowe mu bitaro akururwa hasi kubera ko arwaye...

Ku mbuga nkoranyambaga hakwirakwijwe amashusho y’umugabo wakorewe...
16 August 2019 Yasuwe: 3003 1