Kigali

Umurambo wa Etienne Tshisekedi wamaze kugezwa muri RDC

Amakuru   Yanditswe na: Dusingizimana Remy 31 May 2019 Yasuwe: 1971

Umurambo wa Etienne Tshisekedi,wabaye Minisitiri w’intebe wa RDC ndetse akaba ari se wa Perezida wa Repubulika ya Demokarasi ya Kongo,Felix Tshisekedi wamaze kugezwa mu murwa mukuru Kinshasa mu ijoro ryakeye, inyuma y’imyaka ibiri ishize apfiriye mu Bubiligi ku myaka 84.

Étienne Tshisekedi yaguye mu murwa mukuru Brussels mu kwezi kwa kabiri mu mwaka wa 2017. Abe bifuje ko ashyingurwa mu gihugu cye, ariko ubutegetsi bwa Joseph Kabila buranga kubera amakimbirane bagiranaga.

Umuhungu we Félix ageze ku butegetsi mu matora aheruka ataravuzweho rumwe, yasezeranyije ko azashyingura se mu gihugu none yabigezeho.

BBC dukesha iyi nkuru ivuga ko abantu ibihumbi bagiye kwakira no guha icyubahiro umurambo wa Tshisekedi bambaye imyenda yera basobanura ko yari umwere imbere ya ruswa.

Gucyura umurambo we ni nk’igitego abamushyigikiye batsinze abo ku ruhande rwa Joseph Kabila, nkuko BBC ibivuga.

Kuzana uyu murambo byakererewe ho amasaha menshi ku munsi w’ejo ku wa kane kubera ibibazo by’indege.

Wazanywe n’indege nto irimo n’abantu 10 bo mu muryango we, abandi benshi bari kuzana na wo basigara i Buruseli. Amakuru aravuga ko iyi ari indege batijwe na Perezida Faure Gnassingbé wa Togo.

Biteganyijwe ko uyu munsi hatangira imihango yo kumusezeraho nk’intwari y’igihugu ku kibuga gikuru cy’i Kinshasa kijyamo abantu ibihumbi 80.

Umuhango wo kumushyingura uzaba ejo ku wa gatandatu, aho biteganyijwe ko abategetsi b’ibihugu bitandatu birimo Angola, Kongo-Brazaville, Guinée, u Rwanda, Togo na Zambia bazawitabira.

Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Hahishuwe uburyo Inuma zakoreraga ubutasi Amerika mu ntambara...

Urwego rw’ubutasi bwo hanze rwa Leta Zunze Ubumwe z’Amerika, CIA, rwahishuye...
14 September 2019 Yasuwe: 3277 1

Abantu benshi bakomerekeye mu mubyigano wo kujya kureba umurambo wa Mugabe...

Abantu benshi cyane babyiganye bajya kureba umurambo w’uwahoze ari perezida...
14 September 2019 Yasuwe: 3634 0

Kenya: Abakora umwuga w’uburaya muri Machakos bigaragambije basaba Leta...

Abakora umwuga w’uburaya mu ntara ya Machakos mu gihgu cya Kenya biriwe mu...
7 September 2019 Yasuwe: 3417 1

Burundi: Umuyobozi wa CNL muri Komini Nyabiraba yaburiwe irengero

Umunyamabanga w’ishyaka rya CNL ritavuga rumwe n’ubutegetsi bwa Petero...
4 September 2019 Yasuwe: 1288 1

Rubavu: Ba Visi meya babiri nabo beguye ku mirimo yabo

Inkubiri yo kwegura kw’abayobozi mu turere yakomereje mu karere ka Rubavu...
4 September 2019 Yasuwe: 2779 0

Karongi: Umumotari yishwe n’abagizi ba nabi barangije batwara moto...

Umumotari witwa Maniriho Faustin wari uzwi nka Gasiga w’imyaka 30 yaraye...
4 September 2019 Yasuwe: 6440 1