Kigali

Umwana muto wapfiriye mu ndege ya Air Asia yateye benshi agahinda

Amakuru   Yanditswe na: Dusingizimana Remy 23 April 2019 Yasuwe: 5645

Umwana w’amezi 2 yapfiriye mu ndege ya Kompanyi ya Air Asia yavaga Kuala Lumpur muri Malaysia yerekeza mu mujyi wa Perth muri Australia kuri uyu wa mbere,bituma benshi mu bakunda kugenda mu ndege banenga cyane abakozi b’iyi kompanyi.

Ababyeyi b’uyu mwana witwa Farah bakomoka muri Saudi Arabia,bari bimukiye muri Australia mu gitondo cyo ku munsi w’ejo, ariko uku kwimuka kwabo ntikwabahiriye kuko bagezeyo bajya gushyingura.

Abagenzi bo muri iyi ndege bavuze ko ibyabaye ari akavuyo gusa kuko uyu mwana yarize akanga guceceka, abakozi b’iyi ndege ya Air Asia ntibagire icyo bakora.

Umugenzi wagerageje gufasha aba babyeyi bari bafite uyu mwana urwaye,yvuze ko aba babyeyi batabanje kuvuza uyu mwana wabo ahubwo bari barajwe ishinga no kujya gutura muri Australia.

Uyu mwana wapfiriye muri iyi ndege ya Kompanyi ya Air Asia,yamaze amasaha 2 n’igice arira nta guceceka bituma abagenzi bose bacika ururondogoro ndetse n’abakozi b’iyi kompanyi Babura icyo bakora.

Umugenzi witwa Nadia Parenzee wari hafi y’aba babyeyi,yabajije niba mu bagenzi bose nta muganga urimo birangira abuze.

Iyi ndege yageze ku kibuga cya Perth saa 5:30 za mu gitondo uyu mwana yapfuye bihita bimenyeshwa polisi ndetse n’abaganga bakora iperereza ku rupfu rw’uyu mwana ndetse bahata ibibazo abakozi b’iyi ndege ya Air Asia.

Air Asia yashyize hanze itangazo rigira riti “Umutekano w’abakiliya bacu uhora ariyo ntego yacu.Abakozi bacu bagerageje gushakira ubufasha uyu mwana.Twihanganishije umwana wapfuye n’umuryango we.

Air Asia yahise itangaza ko nta byinshi igomba gutangaza ku rupfu rw’uyu mwana ahubwo yabihariye polisi.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble mazina

    Birababaje cyane kandi biteye agahinda.Gusa nk’abakristu,tujye tumenya ko abantu bazazuka ku Munsi w’Imperuka.Ariko iyo bapfuye,ntabwo baba bitabye Imana nkuko benshi bavuga.Iyo dupfuye tujya mu gitaka twese.Roho bavuga,yahimbwe n’umuntu wo mu Bugereki witwaga PLATON utaremeraga Imana dusenga.Abantu bapfa bumviraga Imana,izabazura ku munsi wa nyuma.Abapfa bakoraga ibyo Imana itubuza cyangwa biberaga mu byisi gusa ntibashake Imana bakiriho,ntabwo bazazuka.Barabora bikarangira nkuko Abagalatiya 6:8 havuga.

    4 months ago

Inzindi nkuru

Abantu benshi bakomerekeye mu mubyigano wo kujya kureba umurambo wa Mugabe...

Abantu benshi cyane babyiganye bajya kureba umurambo w’uwahoze ari perezida...
14 September 2019 Yasuwe: 3153 0

Kenya: Abakora umwuga w’uburaya muri Machakos bigaragambije basaba Leta...

Abakora umwuga w’uburaya mu ntara ya Machakos mu gihgu cya Kenya biriwe mu...
7 September 2019 Yasuwe: 3197 1

Burundi: Umuyobozi wa CNL muri Komini Nyabiraba yaburiwe irengero

Umunyamabanga w’ishyaka rya CNL ritavuga rumwe n’ubutegetsi bwa Petero...
4 September 2019 Yasuwe: 1240 1

Rubavu: Ba Visi meya babiri nabo beguye ku mirimo yabo

Inkubiri yo kwegura kw’abayobozi mu turere yakomereje mu karere ka Rubavu...
4 September 2019 Yasuwe: 2680 0

Karongi: Umumotari yishwe n’abagizi ba nabi barangije batwara moto...

Umumotari witwa Maniriho Faustin wari uzwi nka Gasiga w’imyaka 30 yaraye...
4 September 2019 Yasuwe: 6357 1

Aba Visi Meya bo muri Burera na Gisagara beguye ku mirimo yabo

Inkubiri yo kwegura no kweguza abayobozi mu turere yakomereje I Gisagara na...
3 September 2019 Yasuwe: 9435 1