Turikiya yatanze amajwi y’ iyicwa ry’ Umunyamakuru Khashoggi
Yanditswe: Sunday 11, Nov 2018
Igihugu cya Turikiya cyatangaje ko cyoherereje Leta zunze ubumwe za Amerika na Arabia Saoudite amajwi y’ iyicwa ry’ umunyamakuru Jamal Khashoggi.
Perezida wa Turukiya Recep Tayyip Erdogan yongeye kuvuga ko Arabie Saoudite izi uwishe Khashoggi. Khashoggi, yanengaga abategetsi ba Arabia Saoudite, yiciwe mu biro bya ambasade ya Arabia Saoudite muri Istanbul(Turikiya) tariki 2 Ukwakira 2018.
Arabie Saoudite yemeye ko uyu munyamakuru yiciwe muri ambasade ariko ihakana ko ibifitemo uruhare. Iki gihugu cyabanje kuvuga ko uyu munyamakuru yavuye muri iyi ambasade ari muzima.
Khashoggi ni Umunyamerika akaba n’ Umunyaturikiya yakoreraga ikinyamakuru WhashingtonPost cyo muri Amerika
Perezida wa Turikiya Tayyip yagize ati "Twatanze ayo majwi, twayahaye Arabie Saoudite, twayahaye Washington, Abadage, Abafaransa, Abongereza. Bumvise ibiganiro byabaye barabizi”
BBC yatangaje ko uyu munyamakuru Khashoggi yabanje gucudika n’ ubwami bwa Arabia Saoudite baza bakaza kutavugarumwe agahungira muri Amerika akajya yandika inkuru z’ ibitekerezo zitavuga neza igikomangoma cya Arabia Saoudite.
Leave a Reply
Your email address will not be published. Required fields are marked *