skol
fortebet

Covid-19:Muri Nigeria abadepite bemeye kudahembwa

Yanditswe: Wednesday 01, Apr 2020

Sponsored Ad

skol

Abadepite bo muri Nigeria bemeye gukatwa imishahara yabo y’amezi abiri kugira ngo yifashishwe mu guhangana n’icyorezo cya Coronavirus giteje inkeke ku Isi.

Sponsored Ad

Femi Gbajabiamila, Perezida w’umutwe w’Abadepite ugizwe n’abadepite 360, yavuze ko umushahara wabo uzifashishwa mu kwita ku mibereho myiza y’abaganga bari guhangana na Coronavirus muri ibi bihe.

Yavuze ko bamenyesheje mu bunyabamabanga bw’Inteko ko imishahara y’abadepite y’ukwezi kwa Werurwe na Mata aho kujya kuri konti zabo, izajya kuri konti y’ikigega gishinzwe ubutabazi.

Yatangaje ko ibyakozwe biri mu bushake bw’abadepite mu ngamba biyemeje zo gufasha abaturage bahagarariye guhangana na Coronavirus.

Ibigo bitandukanye, abantu ku giti cyabo n’imiryango itegamiye kuri Leta muri Nigeria, yatangiye ibikorwa byo gukusanya inkunga zo gufasha abatishoboye muri ibi bihe bikomeye, nkuko Ibiro Ntaramakuru by’Abashinwa, Xinhua byabitangaje.

Kugeza kuri uyu wa Kabiri, abantu 153 nibo bari bamaze kugaragarwaho Coronavirus muri Nigeria barimo babiri yahitanye.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa