skol
fortebet

Abadepite muri Uganda barwaniye mu nteko ishinga amategeko umwe ajyanwa mu bitaro

Yanditswe: Saturday 01, Feb 2020

Sponsored Ad

skol

Muri Uganda hemejwe ko abadeite babiri bafatanye mu mashati bakarwana birangira umwe muribo ajyanwe mu bitaro nyuma yo gukomeretswa na mugenzi we wamukubise ikofe.

Sponsored Ad

Uyu mudepite uhagarariye agace ka Aruu, Odonga Otto yajyanwe mu bitaro bya Nakasero ku wa Kane w’iki cyumweru nyuma yo gukubitwa na mugenzi we, Anthony Akol uhagarariye agace ka Kilak.

Aba badepite barwaniye mu nteko ishinga amategeko ya Uganda ku byavuzwe ko Depite Otto yari mu barimo kugumura abashyigikiye mugenzi we Akol ngo ntibazamutore kuko yagize uruhare mu gutuma bagurisha ubutaka bwa Leta mu Gace ka Amuru.

Aba nk’uko Daily Monitor ibitangaza, barwanye ubwo Akol yari aherekeje abamushyigikiye bari bamusuye ku nteko ishinga amategeko.

Abari aho bavuga ko Akol yanigaguye Otto ari nako amubaza impamvu amwangisha rubanda ngo ntiruzamutore. Depite Otto bivugwa ko atigeze ahakana ibyo aregwa, bituma barwana nyuma bakizwa na Depite wa Gulu, Lyandro Komakech.

Depite Okin PP Ojara, uhagarariye abadepite bo mu gace ka Acholi, avuga ko bazicara bakunga aba bagabo bombi.

Iyi si inshuro ya mbere abadepite bo muri Uganda barwana. Mu 2017, Depite w’agace ka Ayivu, Bernard Atiku yarwanye na nyakwigendera Depite, Ibrahim Abiriga bapfa ibitutsi.

Ubwo hasuzumwaga gukura imyaka umukuru w’igihugu atemerewe kurenza ngo yiyamamaze kandi nabwo imirwano yaradutse, induru ziravuga hagati y’abari babishyigikiye n’ababirwanyaga.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa