skol
startimes

Abagande bari bashyizwe ku rutonde rw’abagombaga gucyurwa banze kuva mu Rwanda

Amakuru   Yanditswe na: Martin Munezero 25 September 2020 Yasuwe: 4220

Abagande 114 mu bari mu baheze mu Rwanda kubera icyorezo cya Covid-19, bashyizwe ku rutonde rw’abagombaga gucyurwa ariko banze amahirwe yo gusubizwa iwabo bahitamo kuguma mu Rwanda.


Hashize icyumweru Guverinoma ya Uganda itangiye gucyura abaturage bayo baheze mu Rwanda nyuma y’ifungwa ry’imipaka ryatangajwe muri Werurwe mu rwego rwo kwirinda ikwirakwira ry’icyorezo cya Covid-19.

Byibuze abagera ku 112 baracyuwe mu cyiciro cya mbere, abandi 94 bataha mu cyiciro cya kabiri. Ariko nk’uko bitangazwa na Annah Katusiime, Ambasaderi wungirije wa Uganda mu Rwanda, abagera kuri 66 mu bantu 180 biyandikishije kri mbasade yabo bagombaga gucyurwa kuri uyu wa Gatatu, itariki 23 Nzeri ntibigeze bagera aho bagombaga kuririra imodoka.

Katusiime avuga ko igenzura ryahise rikorwa ryagaragaje ko abagera ku 114 basubiye inyuma bakanga gucyurwa bavuga ko nta mpamvu bafite yo kujya muri Uganda muri iki gihe.

Katusiime yongeyeho ko abanze gutaha bavuga ko bahisemo kuguma mu Rwanda kuko n’ubundi ibihugu byombi (Uganda n’u Rwanda) byose birimo icyorezo cya Covid-19 nk’uko iyi nkuru dukesha ikinyamakuru The Independent ikomeza ivuga.

Umuyobozi mukuru w’urwego rushinzwe abinjira n’abasohoka ku Mupaka wa Gatuna, Wallace Bindeeba, avuga ko n’ibyiciro byacyuwe bizabanza kujyanwa Entebbe aho bazamara iminsi 14 mu kato.

Ku rundi ruhande ariko, bamwe mu batashye nka Phionah Nakiyemba wo mu Karere ka Kisoro, Gift Akampurira wo mu Karere ka Kanungu na Adrine Kangabe wo muri Kampala, basanzwe ari abarimu mu Rwanda, bavuga ko ubuzima bwari bumaze kubakomerera mu Rwanda.

Bavuga ko bitari biboroheye kubona amafaranga yo kurya no gukodesha inzu kubera ko akazi kabo kari karahagaze kubera gufunga amashuri.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Leta y’u Burundi niyo iri gushyirwa mu majwi mu kugira uruhare mu iyicwa rya...

Polisi y’u Burundi iheruka kwereka itangazamakuru abagabo batatu n’umugore...
23 January 2021 Yasuwe: 6208 0

Ibiteye amatsiko ku mukobwa ukiri muto w’umwiraburakazi watangaje benshi...

Ku mugoroba wo kuri uyu wa Kabiri tariki 20 Mutarama 2021, Amanda Gorman...
22 January 2021 Yasuwe: 5896 0

James yaribeshye ajugunya Disike iriho Miliyari z’Amanyarwanda zisaga...

James Howells ufite imyaka 35, ku bw’impanuka yajugunye disiki ye ifite...
22 January 2021 Yasuwe: 5906 0

Uwari Minisitiri mu biro bya Perezida wa Afurika y’Epfo yishwe n’ingaruka za...

Kuri uyu wa 21 Mutarama 2021, Jackson Mthembu wari Minisitiri mu biro bya...
22 January 2021 Yasuwe: 3037 0

Shema ku myaka 7 gusa atwara indege[AMAFOTO]

Shema Graham ni umwana w’Umugande w’imyaka 7 y’amavuko gusa, ariko amaze...
21 January 2021 Yasuwe: 6649 0

Hasabwe ubucukumbuzi ku mpamvu urukingo rwa COVID-19 ’Moderna’ rutera bamwe...

Ikigo cya Moderna Inc. gikora urukingo rwa Covid-19 rwitwa ‘Moderna’ cyasabwe...
21 January 2021 Yasuwe: 3539 1