skol
startimes

Abaganga n’abadiplomate bo mu Burundi bahurije ku cyaba cyarishe Pierre Nkurunziza

Amakuru   Yanditswe na: Martin Munezero 12 June 2020 Yasuwe: 30023

Kuwa Kabiri tariki ya 9 Kamena 2020 Guverinoma y’u Burundi yatangaje ko uwari Perezida w’iki gihugu Pierre Nkurunziza yapfiriye mu bitaro ya Karusi biherereye mu mujyi wa Bujumbura tariki ya 8 Kamena yishwe n’indwara y’umutima.


Ni amakuru yakiranwe agahinda ku bantu benshi biganjemo Abarundi bitewe n’uburyo urupfu rwa Nkurunziza w’imyaka 55 y’amavuko rwari rutunguranye. Muri ako gahinda kandi habayeho kwibaza niba koko ari iyo ndwara imwishe, cyangwa se niba ari icyorezo cya Covid-19 cyafashe umugore we, Denise Bucumi, kikaba gikomeje gufata n’abandi bayobozi benshi kuva mu bihugu bikomeye kugeza mu bikiri hasi mu iterambere.

Hashize iminsi ibiri, ejo tariki ya 11 Kamena, igitangazamakuru The Star cyo muri Kenya cyemeje ko Pierre Nkurunziza yishwe n’iki cyorezo cya Covid-19 gishingiye ku makuru cyahawe n’abadipolomate kitatangarije amazina.

Muri iyi nkuru ya The Star, umudipolomote w’i Bujumbura yatangaje ko Nkurunziza yari yaranduye Covid-19. Ati: “ Yari afite Covid-19 ariko nta muntu wagombaga kubivuga kuko yayikerenseje kenshi.”

Nkurunziza wagize intege nke z’umubiri ubwo yakinaga umukino w’intoki (volleyball) ku wa Gatandatu w’icyumweru gishize, ngo yari afite ibimenyetso bya Covid-19, ndetse ahumeka bimugoye, ubwo ajyanwa mu bitaro bya Karusi.

Mu makuru The Star yahawe n’umudipolomate w’u Burundi muri Kenya, ni uko Pierre Nkurunziza yabaye nk’ukize ku Cyumweru, aganira n’abari iruhande rwe, gusa bigeze ku wa mbere yongere kuremba. Icyo gihe, habaye ukutumvikana kw’abari bamurwaje, kuko uruhande rumwe rwatekerezaga kumujyana muri Kenya, aho umugore we arwariye, urundi rushyigikira ko yajyanwa muri Tanzania.

Igitangazamakuru SOS Media kuri uyu wa 12 Kamena 2020 nacyo cyashyize hanze inkuru ivuga ko Pierre Nkurunziza yishwe na Covid-19. Ni amakuru gikomora ku baganga ndetse n’undi muntu wo hafi y’uyu Mukuru w’Igihugu. Abaganga bagize bati:

Yishwe n’icyorezo ariko ntabwo yapimwe hakiri kare. Itsinda ryamuvuraga ntabwo ryari ryiteguye kuvura Covid-19, ni yo mpamvu mu masaha ya nyuma bagombaga guhamagara abaganga bane bazobereye mu kuvura Covid-19, baturuka muri Roi Khaled, Kira na ISPN ariko bari bakerewe.

Umuntu wo hafi ya Pierre Nkurunziza yavuze ko nyakwigendera yari asanzwe yaranduye Covid-19. Akomeza avuga ati:

Yari afite ibimenyetso birimo inkorora. Ndatekereza byaragoranye kuko ntiyavuwe hakiri kare. Mu masaha ya mbere y’urupfu twe, yari yananiwe cyane, ndetse n’umwe mu baganga bamuvuraga na we yanduye Covid-19.

U Burundi ni kimwe mu bihugu bitigeze bishyiraho ingamba zikomeye zo gukumira icyorezo cya Covid-19 ndetse hagaragara no kugenda gake mu gukurikiza amabwiriza yo kucyirinda. Pierre Nkurunziza yari mu batemera ko amabwiriza nko guhana intera yakumira iki cyorezo, nk’uko byumvikanye mu mbwirwaruhame ye ku munsi mpuzamahanga w’umurimo wabaye tariki ya 1 Gicurasi 2020. Icyo gihe yatangaje ko ababivuga babeshya.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Daniel asifiwedn

    Umuryango.rw ubwo ni ububeshii mubikureko... Se barundi Nkurunziza ntabwo yigeze akina volleyball nkuk mwabivuze, ivyo sivyo kandi kubesha mumenyeko ari icaha gihanwa n’a NYAGASANI knd arababona.ibihe vyiza.

    3 months ago
  • chat_bubble RUKUNDO

    Amakuru yanyu birabineka ko muyashikiriza mufise izindi nyungu mutumbereye. Mugiye muramdika ivyo muzi neza vyobahesha iteka, ubu ho uwo mukorera abakoresha amahano gusa. Mudahinduye nta kindi umuriro w’inkazi uzobarya kuko nwandika ububeshi gusa, Uhoraho ntazovyihanganira mwa ntakebwa mwe.

    3 months ago
  • chat_bubble bafer

    Mwihenze cane, ngira ngo Uburundi ntimubuzi.Ibitaro vy’i Karusi Peresida Nkurunziza yavuriyemwo, ntaronke amahirwe yo kurokoka, ntibiri mu mujyi wa Bujumbura. Biri mu ntara ya Karusi, aho hakaba ari hafi ku birometero amajana abiri y’igisagara ca Bujumbura.

    3 months ago
  • chat_bubble karekezi

    Ariko tuvugishe ukuri.Uyu mugabo akiriho,yemezaga abaturage ko nta Coronavirus iba mu Burundi kubera ko Imana yayibarinze.Ni nayo mpamvu agifatwa yanze gusanga umugore we I Nairobi,bamuvura Coronavirus.Iteka usanga abiyita abarokore bavuga ko Imana izabarinda ibyago biba ku bandi.Nkuko bible ibyerekana,ni Satani ibahuma amaso.Hari benshi banga kujya kwivuza ngo barabasengera bakire,nyamara bakaza gupfa.Rwose Nkurunziza iyo ataza kwiyita umurokore,yari kujya kwivuza hanze kandi agakira nkuko umugore we yagiye kwivuza kare agakira.

    3 months ago
  • chat_bubble ntwari

    Ibitaro bya Karusi ntabwo biri i Bujumbura ahubwo biri i Karusi nyine kuko ni province iri ukwayo

    3 months ago
  • chat_bubble Vururu

    Oya mureke kuvuga ibintu mu kirere, itohoza ku cyamwishe riracyakomeje, murindire rirangire.

    3 months ago

Inzindi nkuru

Umwalimu wo muri Kaminuza ya Makerere washyizwe ku karubanda n’umukobwa...

Muri Mata 2018, umunyeshuri wo muri Kenya muri Makerere Univerity, Njoroge...
30 September 2020 Yasuwe: 4696 0

Meya wa Bujumbura yemereye umukecuru kurongorwa n’umusore

Bujumbura muri Zone ya Ngagara, Meya CP Jimmy Hatungimana yemereye umusore...
30 September 2020 Yasuwe: 2471 0

Agakoresho gakoreshwa mu gupima byihuse Covid-19 kari gukwirakwizwa ku isi...

Mu gihe abamaze guhitanwa na Covid-19 ku isi barenze miliyoni, agakoresho...
30 September 2020 Yasuwe: 897 0

Nkubi Charles w’imyaka 50 yishe umusore w’imyaka 20 nyuma yo kumugwa gitumo...

Abaturage bo muri Zone ya Kiwalimu, Paruwasi ya Wampewo mu Mujyi wa...
30 September 2020 Yasuwe: 3810 0

Perezida Uhuru Kenyatta yasabye ko utubari dufungura ariko amashuri yo...

Utubari two muri Kenya twongeye gufungura kuri uyu wa kabiri, nyuma y’amezi...
29 September 2020 Yasuwe: 591 0

Igitero cya Maï-Maï Bakata-Katanga cyahitanye benshi i Lubumbashi gikomeje...

Nyuma y’igitero cy’inyeshyamba za Maï-Maï Bakata-Katanga, benshi mu Bakongomani...
29 September 2020 Yasuwe: 976 0