Abagenzi bahiye ubwoba nyuma yo gupfa kwa moteri y’indege ya Delta Air Lines yari ibatwaye

Amakuru   Yanditswe na: Dusingizimana Remy 11 July 2019 Yasuwe: 2351

Indege ya Kompanyi ya Delta Air Lines yahagaze igitaraganya muri leta ya Carolina y’Amajyaruguru,ubwo moteri yayo yahagarikaga gukora imyotsi yayo ikinjira iturutse aho abapilote bicara byatumye abagenzi batangira koherereza ubutumwa imiryango yabo babasezeraho,abandi bakaza amasengesho yo kwihana bazi ko kababayeho.

Kuwa Mbere w’iki cyumweru nibwo iyi ndege ya Kompanyi ya Delta Airlines yari itwaye abagenzi bagera ku 154 yahuye n’uru ruva gusenya,moteri yayo ihagarika gukora gusa Imana ikinga ukuboko ntiyakora impanuka.

Iyi ndege yari mu rugendo rwavaga Atlanta yerekeza Baltimore yagize ikibazo imwe muri moteri zayo ihagarika gukora.

Videwo yafashwe n’umwe mu bagenzi yagaragaje igisa n’izuru rya moteri kiri muri imwe muri moteri y’iyi ndege ubwo yari mu kirere.

Ababibonye bavuga ko humvikanye urusaku rw’ikintu kirangira, nuko imbere mu ndege huzuramo umwotsi.

Nta batangajwe ko bakomeretse. Mu itangazo kompanyi Delta yasohoye, yavuze ko habaye ikibazo kuri imwe muri za moteri cyahise gicyemurwa, nkuko byatangajwe na televiziyo ABC.

Avery Porch wari muri iyo ndege yabwiye televiziyo WMAR-TV ko hashize nk’isaha imwe ihagurutse yumvise ikintu giturika, nuko umwotsi ugatangira kuzura mu bagenzi.

Yagize ati: "Ubwo ni bwo rwose twatangiye gushya ubwoba. [Indege] Itangira kugenda gahoro, duhera umwuka".

Undi mugenzi, Jose Bahamonde-Gonzalez, yabwiye iyo televiziyo ko umupilote w’iyi ndege yaje kubwira abagenzi ko moteri imwe yapfuye kandi ko hari gutegurwa uko indege igwa by’igitaraganya.

Videwo yafatiwe imbere mu ndege yumvikanamo abakozi bo mu ndege babwira abagenzi kwitegura ko indege igiye kugwa ku kibuga cy’indege mpuzamahanga cya Raleigh-Durham.

Televiziyo ABC ivuga ko iyo ndege ari iyo mu bwoko bwa McDonnell Douglas MD-88 imaze imyaka 32.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umudepite uhagarariye leta ya Minessota yemeje ko perezida Trump azeguzwa...

Ilhan Omar umudepite uhagarariye leta ya Minnesota muri Amerika avuga ko...
17 September 2019 Yasuwe: 1669 0

Inzu y’igitangaza ya Mobutu wahoze ari Perezida wa Zaire yabaye...

Muri politike ibintu birahinduka umunota ku wundi kandi iyo ukuwe kuri iyo...
17 September 2019 Yasuwe: 4449 0

Umwarimu w’umunya Kenya watowe nk’uwa mbere ku isi yasuye Donald Trump muri...

Umwarimu ukomoka muri Kenya witwa Peter Tabichi waherukaga gutorwa nka...
17 September 2019 Yasuwe: 1346 0

Iran ngo yiteguye intambara na USA ndetse ibisasu bikomeye yabitunze ku...

Igihugu cya Iran cyabwiye Leta zunze ubumwe z’Amerika ko cyiteguye guhangana...
15 September 2019 Yasuwe: 4132 1

Donald Trump yashyize yemeza ko bishe umuhungu wa Osama Bin Laden ndetse...

Perezida wa USA,Donald Trump yemeje ko ko Hamza Bin Laden, umuhungu wa...
15 September 2019 Yasuwe: 2209 2

Amerika yahagaritse imfashanyo yahaga igihugu cy’u Burundi

Ibiro bya Reta Zunze ubumwe z’Amerika bishinzwe iterambere mpuzamahanga ,...
15 September 2019 Yasuwe: 1736 1