addresiya
startimes

Abakobwa n’abagore bishimiye udukoresho dushya bifashisha mu gihe cy’imihango

Amakuru   Yanditswe na: Martin Munezero 1 June 2019 Yasuwe: 3410

Mu gihugu cya Malawi hari abakobwa batanga ubuhamya bw’uburyo bafashijwe n’agakoresho kitwa “Menstrual Cup” kameze nk’agakombe ariko ka Pulasitike kifashishwa mu gihe cy’imihango kagasimbura izindi mpapuro n’udutambaro bari basanzwe bakoresha.



Umunyamakuru wa BBC witwa Gloria Achieng yageze mu bice by’icyaro muri Malawi aho abana b’abakobwa b’abanyeshuri batangiye gukoresha utwo dukoresho bamubwira ko twabagiriye akamaro kanini.

Abo banyeshuri bagaragaza ko twabaruhuye ibibazo bahuraga na byo byo guhora bashaka udutambaro n’impapuro zabugenewe abagore n’abakobwa bari mu mihango bakoresha.

Inkuru ya BBC ivuga ko ako gakombe gakoze muri Pulasitike. Umukobwa cyangwa umugore uri mu mihango ushaka kugakoresha arakagonda akakinjiza mu gitsina. Iyo kamaze kuzura cyangwa ugakoresha ashaka kugakuramo, aragasohora, akamena imyanda irimo, akagasukura akongera akakambara.

Uwo munyamakuru wa BBC yasanze umukorerabushake w’abagide witwa Ruth Nkoma arimo gusobanurira abakobwa uko utwo dukoresho twifashishwa. Ruth Nkoma asanzwe yigisha abakobwa ibyerekeranye n’imihango n’ubuzima bw’imyororokere.

Avuga ko kavumbuwe mu kinyejana cya 21 (guhera mu mwaka wa 2000) mu rwego rwo gushakisha igisubizo cyo guhangana n’isuku mu gihe cy’imihango. Avuga kandi ko kabanje gukorerwa isuzuma, abantu baragakunda, nyuma bagenda bigishwa uko gakoreshwa.

Utwo dukoresho ngo dutwara amafaranga make kandi tugakoreshwa igihe kirekire ugereranyije no kugura udutambaro tw’isuku (Cotex/Pads) bya buri gihe.

Kamwe kagura amafaranga akoreshwa muri Malawi yitwa Amakwaca ibihumbi 10 (angana n’ibihumbi 12 by’amafaranga y’u Rwanda) kagashobora gukoreshwa mu gihe cy’imyaka icumi.

Aho abakobwa batangiye gukoresha utwo dukoresho bavuga ko twabagiriye akamaro kuko abakobwa bajyaga basiba ishuri nk’iminsi itanu mu cyumweru, ibyo bikababaho inshuro imwe buri kwezi, ariko muri iki gihe iyo bari mu mihango ngo ntibakiguma mu rugo, bigatuma bakurikira amasomo kandi bagatsinda neza.

Abaganga bo muri icyo gihugu bavuga ko utwo dukombe tugomba gusukurwa neza kandi buri mukobwa cyangwa umugore akagira ake kugira ngo hakurweho impungenge z’uko hari uwo twatera uburwayi.

Utwo dukombe ntiturakwira hose muri Malawi kuko nta gihe kinini tumaze dutangiye gukoreshwa.

Abakobwa bo muri Malawi batangiye kudukoresha bavuga ko twaborohereje kuko mbere iyo bajyaga mu mihango bumvaga batisanzuye ndetse bakigengesera batinya ko buri wese yabona ibimenyetso bigaragaza ko bari mu mihango.

Icyakora ubu ho ngo barisanzura kuko abantu badashobora kubona umuntu ugakoresha ngo bamumenye. Abagakoresha kandi bavuga ko bashobora kwiruka, kubyina cyangwa no gukora ikindi cyose bisanzuye.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abaganga 2 bakundana bakoreye ubukwe mu bitaro kubera Coronavirus

Umusore w’umuganga witwa Annaran Navaratnam ndetse n’umukobwa w’umuganga...
30 May 2020 Yasuwe: 1878 0

Umuhungu wa Uhuru Kenyatta yishe amabwiriza ya Coronavirus ajya kwirebera...

Perezida Uhuru Kenyatta wa Kenya yatangaje ikintu kitari cyiza aherutse...
28 May 2020 Yasuwe: 4621 0

Eddy Kenzo yongeye atakambira Guverinoma ya Uganda

Umuhanzi Eddy Kenzo umaze igihe kinini yaraheze mu gihugu cya Cote d’Ivoire...
28 May 2020 Yasuwe: 1361 0

Umwirabura wishwe urupfu rw’agashinyaguro yateje imyigaragambyo muri...

Habaye imirwano ikomeye hagati y’abapolisi n’abigaragambya mu mujyi wa...
28 May 2020 Yasuwe: 3393 1

Abashoferi b’amakamyo muri Uganda batorotse bamaze kumenya ko banduye...

Uganda Minisiteri y’Ubuzima yatangaje ko abashoferi 7 b’amakamyo batorotse...
27 May 2020 Yasuwe: 1328 0

Abagore 2 bakundana nibo babaye aba mbere aho bakomoka bashyingiwe bahuje...

Abagore babiri bakundana nibo babaye aba mbere bashyingiwe, ni ibirori...
27 May 2020 Yasuwe: 2834 1