Nk’uko ibiro ntaramakuru Reuters bibitangaza, ngo ku cyumweru, muri Amerika abantu banduye Coronavirus barenga miliyoni 6 bitewe nuko leta nyinshi zo mu burengerazuba bwo hagati zatangaje ubwiyongere bw’abanduye.

Sponsored Ad

Muri leta za Iowa, Dakota y’Amajyaruguru, Dakota y’Amajyepfo na Minnesota baherutse gutangaza ko umunsi umwe ubwandu bw’abantu bashya bwiyongereye cyane mu gihe Montana na Idaho barimo kubona umubare munini w’abarwayi ba Covid-19 bari mu bitaro.

Ku rwego rw’igihugu, ibipimo ku bwandu bushya, impfu, ibitaro ndetse n’ibipimo by’ibizamini byose bigaragaza ko bigenda bigabanuka, ariko hari ahantu hari kugaragaza ubwandu bwinshi muri Midwest.

Bwinshi mu bwandu bushya muri Iowa buri mu ntara zibamo Kaminuza ya Iowa na Kaminuza ya Leta ya Iowa, aho banyeshuri bagikora amasomo amwe n’amwe. Amashuri makuru na Kaminuza hirya no hino mu gihugu byagaragaye ko haadutse ubwandu nyuma yuko abanyeshuri basubiye mu kigo, byatumye bamwe basubira ku bkwigira kuri interineti gusa.

Ku Cyumweru, guverineri wa New York, Andrew Cuomo, yatangaje ko leta ye yohereje “itsinda rya SWAT” mu kigo cya Kaminuza ya Leta ya New York (SUNY) i Oneonta mu majyaruguru ya New York kugira ngo bafashe kurinda ikwirakwiza ry’icyorezo cya COVID-19.

Umuyobozi wa SUNY, Jim Malatras, yatangaje ko amasomo yo yari yatangiye mu cyumweru gishize muri Kaminuza, yahagaritswe ibyumweru bibiri nyuma y’uko abantu barenga 100 basanzwemo virusi ya corona, hafi 3% by’abanyeshuri n’abarimu bose. Malatras yagize ati:

Twagize raporo y’amateraniro nini y’abanyeshuri bacu muri Oneonta mu cyumweru gishize, kandi ikibabaje ni uko muri ayo materaniro manini, hari abanyeshuri benshi bagaragaje ibimenyetso bya COVID-19.

Hirya no hino mu burengerazuba bwo hagati, ubwandu nabwo bwariyongereye nyuma y’imyigaragambyo ya buri mwaka i Sturgis, mu majyepfo ya Dakota yahuje abantu barenga 365.000 baturutse mu gihugu hose kuva ku ya 7 kugeza ku ya 16 Kanama. Ishami ry’ubuzima rya Dakota y’Amajyepfo rivuga ko abantu 88 bakurikiranwe muri iyo myigaragambyo.

Amezi arenga umunani yibasiwe n’icyorezo, Amerika ikomeje guhangana n’ibizamini. Umubare w’abantu bapimwe ukaba waragabanutse mu byumweru bishize.

Abashinzwe ubuzima benshi ndetse na Leta byibuze 33, banze uburyo bushya bwo gupima COVID-19 bwatanzwe n’ubuyobozi bwa Trump mu cyumweru gishize buvuga ko abahuye n’abanduye virusi kandi nta bimenyetso bagaragaza badakenera kwipimisha.

Abashinzwe ubuzima rusange bemeza ko Amerika ikeneye gupima benshi kandi kenshi kugira ngo ibone abatwara COVID-19 badafite ibimenyetso kugira ngo bagabanye ikwirakwizwa ry’iki cyorezo.

Nk’uko ibiro ntaramakuru Reuters bibitangaza ngo mu gihe Amerika ifite ubwandu bwinshi ku isi, iza ku mwanya wa cumi ishingiye ku baturage bose ku muntu, aho Burezili, Peru na Chili ari byo bihugu bifite umubare munini w’ubwandu.

Amerika kandi ifite impfu nyinshi ku isi zigera ku bihumbi 183.000 kandi iza ku mwanya wa 11 ku bapfa kuri buri muturage, ikaba irenga Suwede, Burezili, Ubutaliyani, Chili, Espagne, Ubwongereza, Ububiligi na Peru.

MSN