startimes

Abanya Kenya barasaba ko bamwe mu bayobozi bafungwa kubera icuruzwa ry’Akawunga karimo uburozi

Amakuru   Yanditswe na: Dusingizimana Remy 11 November 2019 Yasuwe: 1446

Iperereza rya televiziyo NTV yo muri Kenya ryerekanye ko kudakurikirana kw’ababishinzwe byatumye abakora ifu y’ibigori (kawunga) bakora irimo uburozi bwitwa aflatoxin ikajya ku isoko.



NTV yabonye amoko 12 anyuranye ya kawunga igurishwa mu gihugu irimo ubu burozi.

Aflatoxin ni uburozi buva mu binyabuzima bito (fungi) biza mu busaze bw’igihingwa, bukaba bushobora gutera indwara ya kanseri.

Mu cyumweru gishize, ikigo Kenya Bureau of Standards (Kebs) gishinzwe ubuziranenge, cyahagaritse ku isoko amoko arindwi y’amafu ya kawunga akekwaho kugira iriya Aflatoxin.

Abaganga n’inzobere mu mirire babwiye NTV ko hari abantu bashobora kuba barapfuye bikomotse ku ngaruka ziterwa n’aya mafu.

Abaganga bavuga ko ifu irimo Aflatoxin iganisha ku gutera abayirya indwara ya cancer y’umwujima cyangwa izindi nyama zo mu nda.

Minisitiri w’ubuhinzi muri Kenya Mwangi Kiunjuri yemeje iby’ubu burozi buvugwa mu ifu y’akawunga.

Yavuze afite ubwoba ko amatungo yo mu rugo nk’inka zihabwa aya mafu yavanywe ku isoko nazo zishobora kuzanduza abantu.

Ubugari bw’ibigori ni ibiryo by’ibanze bya miliyoni nyinshi z’abaturage ba Kenya, ibi bituma hari amafu yabwo atumizwa no hanze kubera isoko rinini.

Mu 2009, umuyobozi wa Kebs Kioko Mangeli yatangaje ko abaturage bagurishwa amafu y’ibigori arimo uburozi kuva mu 2008 kandi bigakorwa guverinoma ibizi neza.

Uyu mugabo yabwiye Inteko ati: "Mbizi neza ku kigero kirenga 100% ko ibi bigira ingaruka ku baturage, mu myaka 10, 15 iri imbere tuzaba tubona za cancer zikomeye kubera ibi bigori".

Kuri Twitter hashtag #WhiteAlert iriganje cyane muri Kenya aho basaba ko abategetsi bamwe bafungwa kubera kutarengera ubuzima bw’abaturage muri iki kibazo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umugabo yarokotse urupfu nyuma yo gufatwa ari gusambana n’umugore...

Muri Kenya, umugabo uri mu kigero cy’imyaka 40, akaba ari umukozi wa West...
11 July 2020 Yasuwe: 2303 0

Umugore yahuye n’ibizazane ubwo umugbo we yamwitiranyaga n’inzoka

Mu gihugu cy’Ubwongereza, umugabo utaratangarijwe amazina yavunnye ikirenge...
10 July 2020 Yasuwe: 3749 1

Reba inkuru yakoze ku mutima abantu benshi y’umugabo n’umugore b’abasazi...

Umugabo witwa Olaide Olakiitan Oluwayemisi yatangaje uburyo yakozwe ku...
10 July 2020 Yasuwe: 10663 1

Umugore waguwe gitumo n’umugabo we arimo asambana na Pasiteri yatinyutse...

Jane Omwaga, umugore wo muri Kenya waguwe gitumo n’umugabo we ubwo yari...
10 July 2020 Yasuwe: 13620 1

Abarinda Perezida Kenyatta basabwe kurekera gukoresha ibiyobyabwenge

Umuyobozi mukuru w’itsinda rishinzwe kurinda umutekano wa Perezida Uhuru...
9 July 2020 Yasuwe: 2845 0

Umugabo yatse gatanya kubera ko umugore we yavuze ko Ronaldo arenze...

Umugabo n’umugore bitwa Arsen na Lyudmila bakundanye mu gikombe cy’Isi 2002...
9 July 2020 Yasuwe: 1727 0