Abashinzwe ubuzima muri Kenya yasubije inyuma abanyamahanga 182 basuzumwe bakabasangana coronavirus, ubwo bageragezaga kwinjira ku mipaka itandukanye y’iki gihugu ihana imbibi na Tanzaniya.

Sponsored Ad

Muri abo abasanzwe baranduye, 126 ni abaciye ku rubibe rukuru rwa Namanga. Abandi bapimiwe ku yindi mipaka yindi ihana imbibi n’ibi bihugu byombi. Ubwenegihugu bw’abo banyamahanga ntibwatangajwe.

Kuwa Gatandatu nibwo umukuru w’igihugu cya Kenya, Uhuru Kenyatta, yafunze imipaka y’igihugu ihana imbibi na Tanzania ndetse na Somalia, kubera ukwiyongera k’umubare w’abanduye Coronavirus bahaca.

Minisitiri w’ubuzima muri Kenya, Mutahi Kagwe, kuwa kabiri yabwiye ibinyamakuru ati: “Ntidushobora kwemerera abantu bavuye hanze kwinjira muri Kenya badafite icyemezo ko batarwaye Covid-19. Yakomeje agira ati:

Nicyo kimwe n’uko tutarimo turemerera abashoferi b’abanyaKenya kuva mu gihugu badafite icyemezo ko basuzumwe covid-19.

Uyu muyobozi avuga na none ko icyari kuba iyo tudafata icyemezo cyo gupima abantu ku mipaka ni uko umubare w’abanduye covid-19 mu gihugu wari kuzamuka cyane.

Abandi bantu 18 banduye coronavirus babasanzwe ku mupaka na Somalia mu karere k’uburasirazuba bwa Kenya. Cumi na bane muri bo bagerageje kwinjira baciye i Wajir mu gihe abandi babiri bashaka guca Garissa.