Abapadiri 300 barashinjwa gusambanya no gufata abana ku ngufu barimo n’ababahungu

Amakuru   Yanditswe na: Nsanzimana Ernest 15 August 2018 Yasuwe: 494

Urukiko rw’Ikirenga muri Leta ya Pennsylvania imwe mu zigize Leta zunze Ubumwe za Amerika, rwasohoye raporo y’abihayimana ba Kiliziya Gatolika basaga 300 bashinjwa gusambanya no gufata ku ngufu abana barenga 1000 mu myaka igera kuri 70 ishize.

Iyi raporo yasohowe kuri uyu wa Kabiri n’itisinda ryihariye ry’abanyamategeko bahawe gucukumbura ibyaha bivugwa kuri bamwe mu Bapadiri ba Kiliziya Gatolika muri iyo leta.

Iyi raporo ivuga ko hari izayibanjirje zagiye zigaragaza abihayimana bafashe abana ku ngufu ariko ngo ni ubwa mbere bigeze kuri iyo ntera.

Iyi raporo inagaragaza umupadiri wafashe ku ngufu umwana akamutera inda nyuma amufasha kuyikuramo kandi aguma mu murimo wo kwigisha ijambo ry’Imana.

Harimo undi mupadiri wiyemereye ko yasambanyije abana b’abahungu 15 harimo uwari ufite imyaka irindwi. Hari undi wasanganywe inkari, imihango n’imisatsi kubitsina by’abakobwa yasambanyirizaga iwe mu rugo.

Iyi raporo ivuga ko nubwo ibyo byaha byabaye, ibyinshi muri byo basanze byarashaje ku buryo inkiko zitabyakira uretse abihayimana babiri bari mu nkiko kuko bo ibyaha byari bitarasaza.

Iyi Raporo yakozwe n’itsinda ry’abantu 23 barimo n’abihayimana ba Kiliziya Gatolika mu gihe cy’imyaka ibiri. Bakoze iperereza muri diyosezi esheshatu bifashishije inyandiko zatanzwe n’izo diyosezi ndetse n’ubuhamya bw’abakorewe ibyaha.

Abapadiri 13 banyuze imbere y’iryo tsinda biyemereye ko ibyo bavugwaho babikoze. Iri tsinda nubwo rivuga ko ryasanze abafashwe ku ngufu cyangwa basambanyijwe basaga igihumbi, ngo hari abandi batamenyekanye kubera amakuru adahagije.

Tim Lennon, umwe mu bibumbiye mu ishyirahamwe ry’abafashwe ku ngufu n’abihayimana, yavuze ko bishimishije kubona raporo nk’iyi yagizwemo uruhare na Leta.

The Guardian yatangaje ko Lennon wafashwe ku ngufu n’umupadiri ubwo yari afite imyaka 12, yavuze ko iyi raporo ari igihamya cy’ibyaha bikorwa n’abihayimana.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umwicanyi yinjiye mu kigo cy’amashuli yica abantu 17 akomeretsa abarenga...

Mu ntara ya Crimea,mu Burusiya,umunyeshuli yinjiye mu kigo cy’amashuli...
17 October 2018 Yasuwe: 1529 0

Umwari afungiye gutuka indirimbo yubahiriza igihugu

Umushinwakazi wamamaye kubera videwo anyuza ku rubuga rwa interineti z’ibiri...
15 October 2018 Yasuwe: 892 0

Brigitte Macron yubahutse umugabo we Emmanuel Macron amuvugaho amagambo...

Umugore wa perezida w’Ubufaransa Brigitte Macron,yabwiye umugabo we Emmanuel...
15 October 2018 Yasuwe: 5258 0

Polisi ya Uganda yategetswe kwishyura miliyoni 270 z’amashilingi umuturage...

Umuhesha w’Inkiko wa Uganda yategetse Polisi y’Igihugu kwishyura indishyi...
15 October 2018 Yasuwe: 493 0

Umugabo yakatiwe imyaka 244 azira gusambanya umwana we w’ ukwezi...

Umugabo witwa Patricio Medina w’imyaka 27 ukomoka muri USA,muri leta ya...
14 October 2018 Yasuwe: 1489 1

Umugore ushaje kurusha abandi bose yatangaje ikintu kimwe cyamushimishije...

Umukecuru w’Umurusiya ukuze kurusha abandi ku isi,witwa Koku Istambulova...
14 October 2018 Yasuwe: 3110 1