Abarobyi 30 bo muri Kenya batawe muri yombi na Leta ya Uganda

Amakuru   Yanditswe na: Martin Munezero 29 July 2019 Yasuwe: 607

Kuwa Gatandatu taliki ya 27 Nyakanga 2019, Leta ya Uganda yataye muri yombi abarobyi 30 bo muri Kenya, nyuma yo kubafata baroba mu kiyaga cya Victoria kiri muri Uganda.

Amakuru avuga ko aba barobyi bakimara gufatwa, bahise bajyanwa gufungirwa mu kirwa cya Hama, nyuma yo gufatwa na bayobozi bo mu kigo cy’igihugu gishinzwe imisoro n’amahoro.

Nk’uko The East African ibitangaza, kugeza ntiharamenyekana impamvu bagiye gufungirwa muri icyo kirwa. Ku ruhande rw’abagenzura imyaro y’ibiyaga muri Kenya bavuga ko abo barobyi bishoboka ko barenze imbibi zitandukanya iki gihugu na Uganda.

Umuyobozi w’aba bagenzura imyaro Edward Oremo, yavuze ko abashinzwe imisoro n’amahoro muri Uganda bafatiriye amato 10 n’inshundura zo kuroba.

Ati “Abanya-Uganda banafashe amafi yabo. Barabashoreye bose babajyana muri Uganda aho bafungiwe”.

Abo barobyi bari abo mu bice bitandukanye muri Suba y’Amajyaruguru na Suba y’Amajyepfo. Abayobozi bashinzwe imisoro n’amahoro kandi ngo bagiye muri Suba y’Amajyepfo, ku myaro ya Sare na Kiwa batwara amato atanu banahafata abarobyi 15.

Bakomereje muri Suba y’Amajyaruguru bahafata abandi barobyi 15 n’amato atanu. Kugeza ubu ariko ntabwo Uganda iratangaza impamvu yataye muri yombi abo barobyi.

Ibi bibaye nyuma y’icyumweru kimwe abandi barobyi batatu b’abanya-Kenya bafashwe bagafungirwa muri icyo kirwa n’inzego z’umutekano za Uganda. Barekuwe nyuma yo kwishyura amande y’ibihumbi 30 by’amashilingi.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Schwarzenegger yavuze ko atigeze akunda politiki’ nubwo yabaye...

Arnold Schwarzenegger avuga ko nta gihe yigeze akunda politiki, uyu wari...
21 October 2019 Yasuwe: 1070 1

Tanzania: Perezida Magufuli yagaragaye I Dar es Salaam ari guseka bikuraho...

Perezida wa Tanzania,John Pombe Magufuli yagaragaye mu mujyi wa Dar es...
21 October 2019 Yasuwe: 1591 0

Burundi: Biravugwa ko abavuye mu gisirikare n’Imbonerakure bahawe...

Abahoze mu gisirikare n’Imbonerakure bakomoka muri komini 3 zirimo Buganda,...
21 October 2019 Yasuwe: 1695 1

Hageragejwe urugendo rwa mbere rurerure rw’Indege

Kompanyi y’indege ya Australia yarangije igerageza ry’urugendo rurerure...
20 October 2019 Yasuwe: 2498 0

Igikomangoma cy’Ubwongereza Harry n’umugore we Meghan barifuza kwimukira muri...

Igikomangoma Harry cy’Ubwongereza n’umugore wacyo Meghan Markle bahishuye ko...
20 October 2019 Yasuwe: 4166 0

Tanzania: Biravugwa ko Perezida Magufuli arembye cyane

Amakuru ari gucaracara mu binyamakuru no ku mbuga nkoranyambaga muri...
20 October 2019 Yasuwe: 5587 1