startimes

Abarundi bijejwe akayabo ngo bitabire imyigaragambyo yamagana ingoma-ndundi zavugirijwe muri East Africa’s Got Talent bari kurira ayo kwarika

Amakuru   Yanditswe na: Martin Munezero 26 August 2019 Yasuwe: 1798

Abanyonzi bo mu Mujyi wa Bujumbura bifashishijwe mu myigaramabyo yabaye ku wa Gatandatu tariki 24 Kanama 2019 barishyuza 3000 by’amafaranga y’Amarundi bari bijejwe kugira ngo bayitabire.



Iyi myigaragambyo yateguwe n’ubuyobozi bw’u Burundi mu byo yise ‘kwamagana u Rwanda ku bw’itsinda ry’impunzi z’Abarundi ryaserukanye ingoma zo mu gihugu cyazo mu irushanwa rya ’East Africa’s Got Talent’.

Abategura East Africa’s Got Talent basobanuye ko ntaho u Rwanda ruhuriye no kuba impunzi z’Abarundi zaraserukanye ingoma zo mu gihugu cyazo ariko ubuyobozi mu Burundi bwafashe iya mbere butegura imyigaragambyo yamagana uku guseruka mu mihanda ya Bujumbura.

SOS Media y’i Burundi yatangaje ko buri wese mu banyonzi bari banditswe ku rutonde rw’abigaragambya yijejwe amafaranga nk’uko byashimangiwe n’uwitwa Jules wo mu gace ka Kinama mu Majyaruguru y’Umujyi wa Bujumbura.

Yagize ati “Twari twijejwe igiteranyo cya 3000 Fbu kuri buri muntu nyuma y’imyigaragambyo. Twakoze urutonde rw’abitabiriye, nyuma ntabwo twahawe amafaranga.”

Umuyobozi ushinzwe Parikingi ya Kanyosha mu Majyepfo ya Bujumbura yemeje ko abagiye mu myigaragambyo boherejwe n’Umuyobozi w’Akarere na Guverinoma kujya gushishikariza abanyonzi kwitabira iyo myigaragambyo.

Yagize ati “Batwijeje ko amafaranga ahari ko buri wese ahabwa angana na 3000 Fbu. Twashyize hamwe abanyonzi nyuma y’imyigaragambyo ariko abagombaga kutwishyura bahise baburirwa irengero.”

Ibi kandi byashimangiwe n’Uhagarariye Ishyirahamwe SOTAVEBU (Solidarité des Taxis vélos du Burundi), wavuze ko ari abayobozi muri leta babijeje ko abitabira imyigaragambyo bishyurwa nyuma bakaba batarahawe amafaranga bemerewe.

Umuzi w’ikibazo

Guhera muri Mata 2015, u Rwanda rwafunguriye amarembo impunzi z’Abarundi zahungaga ubwicanyi, ihohoterwa n’itotezwa ryaturutse ku mvururu za politiki zatewe na Perezida Nkurunziza ubwo yatangazaga ko aziyamamariza kongera kuyobora igihugu muri manda ya gatatu itaravuzweho rumwe ndetse aza no gutorwa.

U Rwanda rwakiriye neza izo mpunzi zitabwaho mu mibereho myiza yazo zisubiza agatima impembero zisubira mu bikorwa byo kwidagadura n’ibindi biranga umuntu ubayeho mu buzima bumunyuze, zikomeza gusigasira umuco w’igihugu cyazo cy’amavuko.

Ibi byatumye bamwe muri izi mpunzi bifatanya na bagenzi babo basanze mu Rwanda, bashinga itsinda ry’ababyinnyi n’abakaraza baryita Himbaza Club, ari naryo ryitabiriye irushanwa rya East Africa’s Got Talent rihuje abanyempano baturuka mu Rwanda, Kenya, Tanzania na Uganda.

Nyuma y’aho iri rushanwa ryerekaniwe kuri televiziyo no ku mbuga nkoranyambaga, abayobozi ba leta mu Burundi ntibishimye kuko mu ijwi rya Minisitiri w’Umuco, Niyonkuru Pelate, bagaragaje ko batanyuzwe n’uburyo ingoma zifite inkomoko mu muco wabo zerekanywe, aho bavuga ko byakozwe mu izina ry’u Rwanda.

Abazivugije ntibavuze ko ari Abanyarwanda cyangwa Abarundi baje mu irushanwa batumwe n’u Rwanda.

Umuyobozi wa East Africa’s Got Talent, Lee Ndayisaba, aherutse kubwira IGIHE ko mu bahatana nta n’umwe uba woherejwe n’igihugu ndetse ko batika ku nkomoko y’igihangano cyerekanywe.

Kuva mu 2014, ingoma z’u Burundi zanditse mu murage ndangamuco wa UNESCO nk’umwihariko w’iki gihugu.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Igihugu cya Uganda cyapfushije Abajenerali 2 ku munsi umwe biyongera ku...

Mu gitondo cyo kuri uyu wa Kane taliki ya 02 Nyakanga 2020, igisirikare cya...
3 July 2020 Yasuwe: 1385 0

Umugabo yishwe na coronavirus nyuma yo kwanduza abarenga 100 mu bukwe...

Mu gihugu cy’Ubuhinde, umugabo w’imyaka 30 wagaragazaga ibimenyetso bya...
3 July 2020 Yasuwe: 938 0

Uwahoze ari Madamu wa Mbere wa Lesotho yarekuwe ku ngwate mu rubanza...

Kuri uyu wa Mbere taliki ya 29 Kamena 2020, uwahoze ari umudamu wa mbere...
1 July 2020 Yasuwe: 673 0

Minisitiri wa mbere ukomoka mu bwoko bw’Abatwa yinjiye muri Guverinoma y’u...

Ihuriro ry’Abatwa bo mu gihugu cy’u Burundi kikigendera ku moko y’Abakoloni,...
29 June 2020 Yasuwe: 6911 1

Mu Burundi umuturage yakorewe ubugizi bwa nabi atwikirwa inka...

Burundi mu mudugudu wa Gishubi, mu Ntara ya Muramvya, mu ijoro ryo kuwa 26...
29 June 2020 Yasuwe: 1145 0

Abayapani bakoze agapfukamunwa gakoresha ikoranabuhanga

Mu Buyapani hakozwe agapfukamunwa gakoresha ikoranabuhanga ku buryo...
29 June 2020 Yasuwe: 2238 0