startimes

Abarwanya Perezida Museveni bari gusinya impapuro zo kumurega muri ICC

Amakuru   Yanditswe na: Martin Munezero 12 November 2019 Yasuwe: 2333

Abarwanya Perezida wa Uganda Yoweri Kaguta Museveni bibumbiye mu kizwi nka ” People’s Government”, batangiye gusinya impapuro zo gushyigikira ikifuzo cyabo cyo kumugeza [Museveni] imbere y’urukiko mpuzamahanga mpanabyaha rwa ICC ruherereye i Hague mu Buholandi.



Aba barwanya Perezida Museveni barangajwe imbere na Col Dr.Kiiza Besigye umaze imyaka myinshi ashaka buryo ki yahirika Museveni ku butegetsi bwa Uganda, ariko akaba atarabigeraho.

Mu cyumweru gishize ni bwo People’s Government yatangaje ko kuri uyu wa kabiri ikusanya imikono y’Abanya-Uganda, bifuza ko Museveni yagezwa imbere ya ICC kugira ngo aryozwe ibyaha yakoze bihonyoza uburenganzira bwa muntu.

Ni ibyatangajwe na visi-Perezida wa People’s Government Erias Lukwago usanzwe ari na Mayor w’Umujyi wa Kampala.

Mu byaha Perezida Museveni ashinjwa n’abamurwanya, harimo igitero cyakabwe ku ngoro ya Rwenzururu iherereye Kasese muri 2017. Iki gitero cyari kirangajwe imbere na Lt Gen Peter Elweru kuri ubu usanzwe ari umugaba mukuru w’ingabo za Uganda zirwanira ku butaka, ariko yoherejwe na Museveni.

Ni igitero cyaguyemo abatari bake.

Perezida Museveni kandi ashinjwa gukandamiza abatavuga rumwe n’ubutegetsi bwe, ndetse no kugaba ibitero ku nteko ishinga amategeko ya Uganda.

Itangazamakuru ryo muri Uganda rivuga ko kuri uyu wa kabiri abatari bake bahuriye ku kicaro cya People’s Government mu rwego rwo gushyira umukono ku nyandiko zisabira Museveni kugezwa imbere y’ubutabera.

Col Dr. Kiiza Besigye ari mu basinye kuri ziriya nyandiko.

Ku ruhande rwa leta ya Uganda, Shaban Bantaliza usanzwe ari umuvugizi wungirije wa leta, mu cyumweru gishize yakinnye ku mubyimba Dr. Besigye n’abambari be avuga ko ibibaraje ishinga bitazabashobokera.

Impamvu ngo ni uko nta muntu ku giti cye ushobora kujyana ikirego muri ICC kereka bikozwe n’igihugu ubwacyo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Igihugu cya Uganda cyapfushije Abajenerali 2 ku munsi umwe biyongera ku...

Mu gitondo cyo kuri uyu wa Kane taliki ya 02 Nyakanga 2020, igisirikare cya...
3 July 2020 Yasuwe: 1360 0

Umugabo yishwe na coronavirus nyuma yo kwanduza abarenga 100 mu bukwe...

Mu gihugu cy’Ubuhinde, umugabo w’imyaka 30 wagaragazaga ibimenyetso bya...
3 July 2020 Yasuwe: 924 0

Uwahoze ari Madamu wa Mbere wa Lesotho yarekuwe ku ngwate mu rubanza...

Kuri uyu wa Mbere taliki ya 29 Kamena 2020, uwahoze ari umudamu wa mbere...
1 July 2020 Yasuwe: 670 0

Minisitiri wa mbere ukomoka mu bwoko bw’Abatwa yinjiye muri Guverinoma y’u...

Ihuriro ry’Abatwa bo mu gihugu cy’u Burundi kikigendera ku moko y’Abakoloni,...
29 June 2020 Yasuwe: 6900 1

Mu Burundi umuturage yakorewe ubugizi bwa nabi atwikirwa inka...

Burundi mu mudugudu wa Gishubi, mu Ntara ya Muramvya, mu ijoro ryo kuwa 26...
29 June 2020 Yasuwe: 1144 0

Abayapani bakoze agapfukamunwa gakoresha ikoranabuhanga

Mu Buyapani hakozwe agapfukamunwa gakoresha ikoranabuhanga ku buryo...
29 June 2020 Yasuwe: 2234 0