startimes

Abashoferi b’amakamyo muri Uganda batorotse bamaze kumenya ko banduye Coronavirus

Amakuru   Yanditswe na: Martin Munezero 27 May 2020 Yasuwe: 1378

Uganda Minisiteri y’Ubuzima yatangaje ko abashoferi 7 b’amakamyo batorotse bamaze kumenya ko banduye Coronavirus,none ikomeje gushakisha abantu bose baba barahuye n’aba bashoferi.



Umuyobozi w’Itsinda rishinzwe guhangana n’icyorezo cya COVID-19 muri Uganda, Dr Ateka Kagirita, yabwiye Daily Monitor ko abo bashoferi b’amakamyo batorotse bamaze kumenya ko banduye. Abo ngo bari mu bashoferi 25 baherukaga gutoroka ubwo bamaraga gusangwamo Coronavirus bakiri ku mipaka twa Elegu na Malaba.

Yakomeje ati “Igikorwa cyo gushakisha abashoferi batorokeye mu baturage bamaze gusangwamo indwara kirakomeje.Turimo gukora amanywa n’ijoro dufata abo bahuye nabo, tureba aho baraye kugira ngo ubwandu butagera mu baturage.”

Yabajijwe niba hari ibyemezo bizafatirwa abo bashoferi kuko bagiye mu baturage kandi bazi ko bashobora kubanduza indwara, Dr Kagirita avuga ko aza gutanga amakuru arambuye.

Abo bashoferi barindwi bamaze gufatwa batorotse ni abanya-Uganda, Abanyakenya n’Abanya-Tanzania.

Umuyobozi w’Ihuriro ry’Abashoferi b’Umwuga muri Uganda, Ndugu Omogo, yavuze ko abo bashoferi kenshi usanga bafata Coronavirus nk’igihuha, kuko batigishijwe ibyayo uko bikwiye.

Abandi ngo baba ari abashoferi b’abanyabiraka badafitanye amasezerano y’umurimo na ba nyiri amakamyo, ugasanga kumufata ukamushyira mu kato k’iminsi 14 bimuteye ubwoba, kuko aba atinya ko ashobora guhita abura akazi kari kamutunze.

Yakomeje ati “Ijana ku ijana by’abashoferi basanzwemo virus ni abanyabiraka. Nta kazi bagira. Babona amafaranga gusa ari uko bagaruye ikamyo. Nta muntu n’umwe ubemera iyo basanzwemo Coronavirus.”

Abantu bamaze gusangwamo Coronavirus muri Uganda ni abantu 222, nta n’umwe uritaba Imana. Abagera kuri 69 nibo bamaze kuyikira, bivuze ko abakorwaye ari 153.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Maj Joel Babumba umwe mu bayobozi bakuru muri CMI arimo guhigwa...

Umwe mu basirikare bakuru bakorera ubuyobozi bw’ubutasi bwa gisirikare muri...
15 July 2020 Yasuwe: 289 0

Uwigize Rambo ari guhigwa na polisi mu ishyamba ry’inzitane

Abapolisi bo mu gihugu cy’Ubudage, bashyigikiwe na Kajugujugu barimo guhiga...
14 July 2020 Yasuwe: 4415 0

Umunyamerikakazi wari umaze amezi 16 afungiwe muri hoteli yo muri Nigeriya...

Umugore w’umunya Amerika utatangajwe amazina, wari umaze amezi 15 afungiye...
14 July 2020 Yasuwe: 2265 0

Umugabo yarijijwe n’ibyo yasanze muri telefone y’umukobwa we

Ku myaka 27 y’amavuko, umusore yarambagije umukobwa w’imyaka 22 y’amavuko,...
11 July 2020 Yasuwe: 7664 0

Umugabo yarokotse urupfu nyuma yo gufatwa ari gusambana n’umugore...

Muri Kenya, umugabo uri mu kigero cy’imyaka 40, akaba ari umukozi wa West...
11 July 2020 Yasuwe: 4481 0

Umugore yahuye n’ibizazane ubwo umugbo we yamwitiranyaga n’inzoka

Mu gihugu cy’Ubwongereza, umugabo utaratangarijwe amazina yavunnye ikirenge...
10 July 2020 Yasuwe: 4594 1