addresiya
startimes

Abasirikare bo mu Burusiya bakuriweho gukoresha Telefone ngendanwa zizwi nka Smartphones

Amakuru   Yanditswe na: Martin Munezero 21 February 2019 Yasuwe: 1930

Mu gihugu cy’Uburusiya hemejwe itegeko rikumira abasirikare gukoresha “smartphones” bari mu mirimo, kubera ikibazo cy’umutekano.



Iki cyemezo cyafashwe n’Inteko ishinga amategeko yo muri iki gihugu ribuza abakora mu gisirikare no muri Minisiteri y’ingabo, gutunga Telefoni ngendanwa ishobora gufata amafoto, Videwo no kujya ku mbuga nkoranyambaga.

Nk’uko BBC ibitangaza, ngo abo basirikare babujijwe kwandika amakuru yerekeye igisirikare no kuvugana n’abanyamakuru.

Abadepite barenga 400 ku 450 b’Inteko Nshingamateka y’u Burusiya, DUMA, bashyigikiye iryo tegeko ku wa Kabiri tariki ya 19 Gashyantare 2019.

Telefoni zo guhamagara no kohereza ubutumwa ziremewe ariko “tablettes” na “laptops” nabyo byabujijwe.

Iryo tegeko ritegerejwe gushyikirizwa sena mbere y’uko ryakwemezwa, rigashyirwaho umukono na Perezida, Vladimir Putin.

Abategetsi b’u Burusiya bavuga ko iyo ngingo ikenewe mu kubungabunga amabanga y’igisirikare, ngo ntajye mu bigo by’iperereza ry’ibindi bihugu.

Mu myaka mike ishize ngo amwe mu makuru yashyizwe ku mbuga nkoranyambaga yatumye hamenyekana ko abasirikare b’u Burusiya bari mu Burasirazuba bwa Ukraine no muri Syria, ukuri kunyomoza ibyo abayobozi bavugaga ko nta bariyo.

U Burusiya ngo sicyo gihugu cya mbere giteye intambwe mu gushinga amategeko akura ukwidegembya ku basirikare mu gukoresha imbuga nkoranyambaga ku bw’impamvu z’umutekano.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umunyeshuri yakubiswe izasagutse kuri Yesu nyuma yo gusangwa mu nzu ari...

Umunyeshuri wo muri Kaminuza y’uburezi ya Winneba muri Ghana witwa Hayford...
24 May 2020 Yasuwe: 6198 2

Umugore wari ugiye kubyara yapfuye azize gutinzwa na Polisi kubera...

Umugore witwa Waidat Adedeji, wari mu bubabare bwinshi atwite agiye...
23 May 2020 Yasuwe: 13797 1

Umugore yatekeye umukunzi we isupu y’amasohoro y’inshuti ye magara

Mu kiganiro “KeepingASecretWithChiefObi” cy’umunyarwenya wo muri Nijeriya,...
23 May 2020 Yasuwe: 3331 0

Itsinda ry’Abapasiteri barenga 1,200 muri Amerika biyemeje gufungura...

Itsinda ry’Abapasiteri barenga 1,200 bavuga ko bahagarariye ibihumbi...
22 May 2020 Yasuwe: 1753 1

Umusore yatawe muri yombi azira gufatanya n’umukobwa w’umunyeshuri...

Uganda umukobwa w’umunyeshuri yafashijwe n’umusore bakundana gukuramo inda...
22 May 2020 Yasuwe: 2771 0

Umuhungu wa Perezida Museveni yasobanuye impamvu ikomeye we na Papa we nta...

Lt Gen Muhoozi Kainerugaba, umujyanama wihariye wa perezida Museveni akaba...
21 May 2020 Yasuwe: 7694 0