Abatalibani berekanye Videwo y’ abagabo babiri bafashe bugwate, bagira icyo basaba Trump

12 January 2017. | Mu mahanga | 0 Ibitekerezo | Nsanzimana Ernest
  • MyPassion

Abarwanyi b’Abatalibani bashyize ahagaragara videwo yerekana abagabo babiri bafashwe bugwate. Ni Umunyamerika n’umunya Astralia - bashimuswe n’abo barwanyi muri Afghanistan mu mwaka ushize.

Umunyamerika Kevin King na Timorhy Weekes wo muri Astralia bigisha muri kaminuza y’ Abanyamerika muri Afghanistani mu mujyi wa Kabul.

Bashimuswe mu kwezi kwa munani bari mu modoka zabo hanze y’iryo shuri n’abarwanyi bari bambaye imyambaro isa n’ iyi igisirikare cya Leta Afganistani.

Mu mpera z’uko kwezi, abasirikare ba Amerika muri Afghanistani bagerageje kubabohoza ariko barananirwa, nk’uko byavuzwe na Minisiteri y’ ingabo ya Afganistani.

Muri iyo video bivugwa ko yafashwe itariki ya mbere Mutarama 2017, yashyizwe ku mbuga nkoranyambaga abo bagabo bavuga ko bafite ubuzima bwiza.

Ariko basaba Perezida uherutse gutorwa Donald Trump kurekura abatalibani bafunzwe na Leta zunze ubumwe z’ Amerika kugira ngo nabo barekurwe.

    Facebook Twitter Addthis
Tanga Igitekerezo