Abaturage ba Uganda leta yabateguje Inzara

Amakuru   Yanditswe na: Martin Munezero 10 April 2019 Yasuwe: 3046

Umunyamabanga wa Leta ya Uganda muri Minisiteri y’ Ubuhinzi yaburiye abaturage b’ iki gihugu ko hari inzara ishobora gutera mu bice bitandukanye by’ iki gihugu asaba abacuruzi kugabanya ibyo bohereza mu mahanga abaturage bo bakazigama.

Christopher Kibanzanga avuga ko iyi nzara izaterwa n’ uko izuba ryabaye ryinshi muri Werurwe rikumisha imyaka yari mu mirima.

Yagize ati “Dushobora kutazagira ibiribwa bihagije, abahinzi turabasaba kutajyana umusaruro wose ku isoko”

Yakomeje agira ati “Abacuruzi turabasaba kujyana ibiribwa mu majyaruguru ya Uganda no mu burasirazuba ndetse no mu ntara ya Karamoja kuko nta biribwa bafite”.

Minisitiri Kibanzanga yavuze ko guverinoma ya Uganda izorohereza abahinzi kubona imashini zuhira mu rwego rwo kugabanya ko abahinzi barambiriza ku mvura.

Mu ntangiriro za Werurwe 2019 Ikigo cya Uganda cy’ Ubumenyi bw’ ikirere Uganda National Meteorological Authority (UNMA), na guverinoma y’ iki gihugu bari babwiye abaturage ko ikirere gifite imvura nyinshi, abahinzi basohora imbuto izuba rihita ricana.

Festus Luboyera, Umuyobozi Nshingwabikorwa wa UNMA aherutse gushyira ahagaragara itangazo avuga ko umuyaga wa cyclone Idai uherutse kwibasira Mozambique, Zimbabwe na Madagascar ugahitana ababarirwa mu magana ariwo washwekuranye imvura yari iteganyijwe mu bice bimwe na bimwe bya Uganda.

Agnes Kirabo, Umuyobozi w’ Umuryango utari uwa Leta wita ku biribwa ‘Food Rights Alliance’ avuga ko ikosa riri kuri Leta itarazigamye ibiribwa ngo iteganyirize ibihe bibi bishobora kubaho.

Nk’ uko byatangajwe na Dail Monitor yagize ati “Habayeho umusaruro mwinshi cyane w’ ibinyampeke wagombaga kuzagoboka abantu mu bihe bibi ariko warasesaguwe”

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imihanda ijya kwa Bob Wine yose yafunzwe inagotwa n’Abapolisi...

Bobi Wine nyuma y’iminsi mike ashyamiranye na Polisi y’igihu cya Uganda...
24 April 2019 Yasuwe: 2934 2

Uganda: Amerika yamaganye Leta ya Uganda kubera urugomo ikomeje gukorerera...

Leta Zunze ubumwe za Amerika zamaganye bikomeye Guverinoma ya Uganda...
24 April 2019 Yasuwe: 2099 1

Perezida Museveni yakiriye mu rugo rwe Sheilla umuhanzi akaba n’umunyabugeni...

Perezida wa Uganda Yoweri Kaguta Museveni yakiriye mu rugo iwe Sheilla...
24 April 2019 Yasuwe: 2832 0

RDC: Inyeshyamba zivuga Ikirundi zateze bisi yarimo abagenzi zirabambura...

Mu ijoro ryo kuwa mbere w’iki Cyumweru,inyeshyamba zivuga ikirundi zateze...
24 April 2019 Yasuwe: 2222 0

Saudi Arabia yishe abantu 37 barimo umwe yabambye ku musaraba ibaziza...

Igihugu cya Saudi Arabia cyishe abantu 37 bahamwe n’ibyaha by’iterabwoba...
23 April 2019 Yasuwe: 2856 1

Perezida Kagame na bagenzi be basabye ko abasirikare bayoboye Sudani...

Mu nama yahuje abaperezida batandukanye bagize umuryango wa Afurika yunze...
23 April 2019 Yasuwe: 3821 2