Abo muri Ethiopia na Cote d’Ivoire batangajwe cyane n’imibyinire idasanzwe y’umukobwa wa Donald Trump ubusanzwe utasabanaga[AMAFOT+VIDEO]

Amakuru   Yanditswe na: Martin Munezero 18 April 2019 Yasuwe: 5972

Ivanka umukobwa wa Perezida Donald Trump akaba n’umujyanama we, uri mu rugendo rw’iminsi ine mu bihugu bya Afurika, yatangaje abantu ubwo yagaragazaga ko azi gucinya akadiho kinyafurika.

Ubusanzwe Ivanka Trump ntajya agaragara asabana, akunze kuba yifashe atuje cyane. Uyu mugore w’imyaka 37, mu ruzinduko rwe agamije guteza imbere gahunda ya Perezidansi ya Leta Zunze Ubumwe za Amerika yo guteza imbere abagore.

Muri Ethiopia yasuye ibikorwa by’ubucuruzi bikorwa n’abari n’abategarugori ku Cyumweru ku ya 14 Mata. Ubwo bamwakiraga mu gitaramo mu mibyinire yabo gakondo, nawe ntiyazuyaje yatangiye kubyinana ingufu, azunguza amaboko, intugu n’amaguru abereka ko yashobora kubyinana nkabo.

Uyu munsi ageze muri Cote d’Ivoire mu mujyi wa Adzope aho yari agiye kureba ibikorwa byo gutunganya kawa na cacao; yagaragaye abyinana n’ababyinnyi gakondo atikandagira.

Abagore bo muri Cote d’Ivoire bamuhaye impano zirimo igitenge ubusanzwe gihabwa abami iyo basuye icyo gihugu n’igishushanyo cy’isura ye gikozwe muri chocolat.

Akigera Abidjan yasuye ingoro ya Perezida, atemberezwa na Visi-Perezida, Daniel Kablan Duncan. Ku wa mbere Ivanka Trump yahuye na Perezida wa Ethiopia, Sahle-Work Zewde, mu kiganiro yavuze ko cyamushimishije cyane abinyujije kuri Instagram.

Ivanka yasuye Katederali y’Ubutatu Butagatifu ahura n’abayobozi b’amadini anashyira indabo ku rwibutso rw;abaguye mu ndege ya Ethiopian Airlines mu kwezi gushize.




REBA VIDEO HASI UBURYO IVANKA TRUMP YATUNGURANYE AKABYINA MU BURYO BUDASANZWE:

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Amerika yigambye kurasa drone ya Iran yatambaga hafi y’ubwato...

Igihugu cya Leta zunze ubumwe z’Amerika zihimuye kuri Iran zirasa akadege...
19 July 2019 Yasuwe: 1870 0

Amerika yaburiye abacamanza ba ICC ko nibibeshya bagakurikirana ibyaha...

Leta Zunze Ubumwe za Amerika zaburiye abacamanza b’Urukiko Mpanabyaha...
19 July 2019 Yasuwe: 1090 0

Burundi: Abagizi ba nabi bateye grenade mu rugo rw’umuyobozi wa...

Abantu bataramenyekana bateye gerenademu rugo rwa Denis Niyomuhanyi,usanzwe
18 July 2019 Yasuwe: 1354 1

Muri Uganda inka zirimo n’iza Perezida Museveni zigiye guhabwa ibyangobwa...

Ubu mu gihugu cya Uganda Guverinoma yamaze gutangaza ko igiye gutangira...
18 July 2019 Yasuwe: 847 0

OMS yatanze impuruza ku cyorezo cya Ebola muri RDC

Ishami ry’umuryango w’abibumbye ryita ku buzima (OMS) ryatangaje ko ubu...
18 July 2019 Yasuwe: 623 0

Umwana w’imyaka 14 yiyahuye mu muhanda wa Gari ya moshi iramugonga nyuma yo...

Umwana witwa Sam Connor w’imyaka ukomoka mu Bwongereza yakoze amahano kuwa...
17 July 2019 Yasuwe: 2006 0