‘Aho gushinga amashyaka 600 bashinge ibigo by’ubucuruzi 600’-Perezida Kabila

Amakuru   Yanditswe na: Nsanzimana Ernest 2 December 2018 Yasuwe: 910

Perezida wa Repubulika iharanira Demokarasi ya Congo, Joseph Kabila, yibukije abanye-congo bari mu mahanga ko ari bo bafite inshingano zo guteza imbere igihugu cya bo aho kunenga ibikorwa abandi bagezeho, abakangurira gushora imari mu gihugu cyabo.

Ibi yabigarutseho mu kiganiro kirambuye yagiranye n’ikinyamakuru Le Soir.

Yagize ati: “Ni ngombwa ko ari bo baba abashoramari ba mbere mu gihugu cyabo. Aho gushinga amashyaka 600 bashinge ibigo by’ubucuruzi 600. Ni inshingano z’umuntu ukunda igihugu.”

Yongeyeho ati “Mu gihe cya maréchal Mobutu, abantu bavugaga imitungo afite mu Busuwisi, mu Bufaransa. Njye ntekereza ko ari ngombwa gushora imari muri Congo. Ni nako nabwiye abagize umuryango wanjye. Mbabwira ko nta n’umwe ufite akazi muri misnisiteri, mu rwego rwa leta, nta maturo bahabwa, bose bagomba gukorera mu gihugu. Nibwo butumwa, nirwo rugero nshaka gutanga.”

Perezida Kabila kandi yanagarutse ku bikorwa azakora nyuma y’amatora y’uzamusimbura ategenyijwe kuwa 23 Ukuboza uyu mwaka, birimo ubuhinzi, ubworozi no kwita ku bidukikije.

Yagize ati “Nkunda urusobe rw’ibinyabuzima ariko ikirenze kuri ibyo, nkunda kurengera ibidukikije. Nzabikomeza nk’umuturage. Muri urwo rwego harimo ibintu byinshi byo gukora. Nzanakomeza kwita ku bikorwa by’ubworozi.”

Yavuze ko ibikorwa bye biri i Kingakati na Katanga ari ibyo yubatse mu myaka myinshi gahoro gahoro, bikaba ari n’isomo yifuza guha abanye-Congo.

Perezida Kabila yanavuze ko nyuma yo gusimburwa nta gahunda afite yo guhita ajya hanze y’igihugu.

Yagize ati:“ Si ntekereza kujya kuruhukira i Bahamas cyangwa muri Espagne, Dubaï n’ahandi hose. Icyo ntekereza gukora? Ntekereza ko icyo kibazo ntaracyibaza! Turetse gutebya, nzaguma mu gihugu cyanjye, aho nzaba mfite byinshi byo gukora.”

Perezida Kabila w’imyaka 47 yagiye ku butegetsi muri Mutarama 2001. Yatanze umukandida Emmanuel Ramazani Shadary nk’uzahagararira impuzamashyaka FCC mu matora ateganyijwe muri uku Kwezi.

Kabila yavuze ko uzamusimbura azaba afite uburenganzira bwose, ndetse ngo nta nama azamugira kereka nazimusaba kandi ko uzamusimbura atazakenera uwahoze ari perezida gusa, ahubwo azakenera uruhare rwa buri muturage muri miliyoni 80 z’abatuye iki Gihugu, baba abari imbere cyangwa hanze yacyo, bose bagamije kubaka igihugu.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abo muri Ethiopia na Cote d’Ivoire batangajwe cyane n’imibyinire idasanzwe...

Ivanka umukobwa wa Perezida Donald Trump akaba n’umujyanama we, uri mu...
18 April 2019 Yasuwe: 2508 0

Abavandimwe ba Omar al Bashir bamaze gutabwa muri yombi

Leta ya gisirikare y’inzibacyuho muri Sudani yatangaje ko abagabo babiri...
18 April 2019 Yasuwe: 1362 0

Bisi yari itwaye ba mukerarugendo yahanutse ku musozi ihitana abantu...

Imodoka yo mu bwoko bwa Bisi yari itwaye ba mukerarugendo basaga 55 mu...
18 April 2019 Yasuwe: 5842 0

Burundi: Kiliziya Gatolika ntizongera guha ijambo abanyapolitiki mu...

Kiliziya Gatolika mu Burundi yamaze gutangaza ko itazongera kugira...
18 April 2019 Yasuwe: 1070 1

Uwahoze ari perezida wa Peru yirashe mu mutwe ubwo yahungaga polisi ngo...

Uwigeze kuyobora igihugu cya Peru,Alan Garcia, w’imyaka 69, ari muri Coma...
17 April 2019 Yasuwe: 3209 1

Indege ya sosiyete y’u Rwanda ’Rwandair’ yasesekaye ku kibuga cy’indege...

Indege ya sosiyete y’u Rwanda ikora ubwikorezi bwo mu kirere Rwandair,...
17 April 2019 Yasuwe: 5569 0