Amakuru yatangiye kumenyekana y’ibihe bya nyuma by’indege ya kompanyi ya Ethiopian Airlines yakoze impanuka igahitana abantu 157 [AMAFOTO]

Amakuru   Yanditswe na: Martin Munezero 1 April 2019 Yasuwe: 7908

Amakuru yatangiye kumenyekana y’ibihe bya nyuma by’indege ya kompanyi ya Ethiopian Airlines yo muri Ethiopia yakoze impanuka mu byumweru bitatu bishize.

Uburyo bubuza indege guhagarara hamwe bw’iyi ndege yo mu bwoko bwa Boeing 737 Max, buvugwa ko ari bwo bwabaye intandaro y’iyo mpanuka yaguyemo abantu 157 bose bari bayirimo.

Iyo ndege yari imaze amezi ane gusa ikora, yavaga mu murwa mukuru Addis-Abeba wa Ethiopia yerekeza i Nairobi mu murwa mukuru wa Kenya.

Nyuma gato yaho iyo ndege ihagurukiye, igeze ku butumburuke bwa metero 137 hejuru y’ubutaka, izuru ryayo ryatangiye kureba hasi.

Hari mbere yuko icyuma cy’itumanaho hagati yabo gipfa.

Iyo ndege yakoze impanuka imaze iminota itandatu gusa ihagurutse.

Ikinyamakuru The Wall Street Journal, kivuga ko cyavuganye n’abantu bakurikiranira bya hafi iperereza rigikomeje ku cyateye iyo mpanuka, gitangaza ko amakuru gifite "atanga ishusho y’ihagarara rikomeye cyane ryahise rirenga abari batwaye iyo ndege".

Muri iki cyumweru, amakuru yahosotse mbere y’igihe ajyanye n’iperereza rikomeje ku cyateye iyo mpanuka avuye muri Ethiopia no muri Amerika, avuga ko uburyo bwikoresha burinda indege guhagarara bwakoze mu gihe iyo mpanuka yabaga.

Ubuyobozi bwa Ethiopian Airlines n’abakora iperereza banze kugira icyo bavuga kuri ayo makuru yasohotse mbere y’igihe.

Abakora iperereza bavuga ko bataramenya icyateje iyo mpanuka, ariko biteganyijwe ko abategetsi ba Ethiopia batangaza icyegeranyo cy’ibanze mu minsi iri imbere.

Impungenge ku mutekano wo kugenda mu ndege zo mu bwoko bwa Boeing 737 Max zatumye indege zo muri ubu bwoko zihagarikwa gukora ku isi.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Burundi: Kiliziya Gatolika ntizongera guha ijambo abanyapolitiki mu...

Kiliziya Gatolika mu Burundi yamaze gutangaza ko itazongera kugira...
18 April 2019 Yasuwe: 186 0

Uwahoze ari perezida wa Peru yirashe mu mutwe ubwo yahungaga polisi ngo...

Uwigeze kuyobora igihugu cya Peru,Alan Garcia, w’imyaka 69, ari muri Coma...
17 April 2019 Yasuwe: 2507 0

Indege ya sosiyete y’u Rwanda ’Rwandair’ yasesekaye ku kibuga cy’indege...

Indege ya sosiyete y’u Rwanda ikora ubwikorezi bwo mu kirere Rwandair,...
17 April 2019 Yasuwe: 4279 0

Umugore yajugunye ibiceri 6 muri moteri y’indege avuga ko ari kuyisengera...

Umugenzi w’umugore yafashwe ajugunya ibiceri 6 mu ndege ya kompanyi ya...
17 April 2019 Yasuwe: 2220 1

RDC: Ubwato bwahitanye abantu 3 abarenga 150 baburirwa irengero mu kiyaga...

Ubwato bwari butwaye abantu barenga 150, bwavaga Kituku hafi y’i Goma...
17 April 2019 Yasuwe: 1779 0

Omar al Bashir uherutse guhirikwa ku butegetsi yamaze kugezwa muri...

Ubuyobozi bw’inzibacyuho bwa Sudan bwamaze kohereza Omar al-Bashir uherutse...
17 April 2019 Yasuwe: 2331 2